لقاء كارثي
لقاء كارثي
ليله….قومي اغسلي وشك يلا
خبط حسان و دخل
ليله…..خليك معاها يا حسان هشوف ايه
حسان…ماشي يا لولي
ليله…..تعالي يا نودي
خرجوا وسابوهم
حسان….. ليه العصبيه دي كلها يا قلبي في ايه بس
سلمي….بدموع مفيش حاجه يا حسان
حسان….طب بطلي عياط تعالي
خدها في حضنه فضلت تعيط و هو يطبطب عليها
حسان….انا عارف انك مضايقه عشان حمودي و متوتره بس الموضوع بسيط يا قلبي مفيش داعي تزعلي انتي و ايه من بعض في يوم زي ده ولا تزعلي من تامر اهدي كده و صلي علي النبي
سلمي….بدموع خلاص مفيش حاجه والله
حسان…طب بطلي عياط روحي اغسلي وشك وتعالي يلا
………….
سلامه….بضحك يعني الراجل عمال يدافع عنك تديهالوا في نص راسه
ضحكوا البنات كلهم
ايه….ماهو بيزعقلها
نعيمه….بضحك بيزعقلها عشان تسكت يا غبيه
ايه….برضوا ميتدخلش احنا حرين في بعض
ليله…..ايمي توما وصل هو والشباب
ايمي….طيب حد ينزل يستقبلوا
ليله…سلامه خد حد معاك و هاتوهم بقي و انتي روحي اغسلي وشك الحوار مات خلاص هتصل انا علي حمودي الوقت و هقولوا يجيب الشنطه معاه ماشي
ايه….ماشي يا ليله
ليله….يلا يابنات علي اوضكم بقي و خلونا نخلص
البنات خرجوا علي اوضهم و الدنيا هديت شويه
سلامه خد حسان و نزلوا يجيلوا توما و التيم بتاعه
الشباب هدوا تامر و ضحكوه شويه
ليله فضلت مع ايه شويه لحد ما ضحكت و خدتخا وراحت علي اوضه سلمي
سلمي حضنتها وصالحتها وكانت عماله تعيط اتصالحوا والموضوع خلص
دقايق و توما طلع و بدأت فقره الضحك من الشراب و البنات عليه
بعد ضحك البنات و الشباب رجعوا تاني علي اوضهم و بدأ التيم يظبط حاجته في الاوضه و بعدين قسموا نفسهم علي البنات
و كانوا شغالين باسرع حاجه عندهم لان الوقت كان بيجري بقي جزء يعمل شعر و جزء يجهز كل حاجه الميكب
الشباب مع توما كانوا سراع جدا
بداوا مع سلمي و ايه شابين واقفين واحد يعمل استشوار و الجزء اللي يخلصوا التاني يبدا فيه مكوي كانوا بيسلموا بعض باقسي سرعه
و نفس الكلام مع ايه و مع البنات
الشباب كانوا في عالم موازي اللي مريح و نايم شويه واللي بياخد شاور و اللي بيشرب سيجاره واللي عمالين يضحكوا و يرغوا
الشعر مع البنات كلهم مخدش غير ساعه و بدأ توما الميك اب مع سلمي
راح عمرو اللي بيعمل الشعر يظبط ايه توما كان معروف عنه انه سريع و بروفيشنال جدا في شغله كان مركز و شغال باقصي سرعه
