لقاء كارثي

ايه….انا مش بحب محلات الحيوانات مهملين و بيخلوا الحيوانات جعانه و مش بيحطوا اكل ليهم طول الوقت فاكره اللي جات هديه لليله و جابتهالي بسبب خوف نعيمه خلتها عندي و مرضتش اديها لمحل

سلمي…اه كانت جميله بس ماتت علي طول

ايه….ايوه كانت صغيره برضوا بس انا مش بحب المحلات و بيحطوا كتير مع بعض وده غلط

سلمي…طب هتعمل فيها ايه نعيمه اكيد مش هتخليها عندها هتخاف هتاخديها انتي و انتي هتتجوزي ده ميلو يفرتكها

ايه….اممم مش عارفه هحاول اقنعها لو مرضتيش بقي ممكن اخدها او نشوف حد ياخدها ممكن اقول لنغم تسليها في البيت وهي لوحدها

سلمي….تصدقي فكره صح شوفي الاول نوني هتعمل ايه بس يلا قومي خلينا ننجز

ايه….اوك

…………………

عند نادين و نغم.

راحت نادين عليهم و خدتها هي واحمد و راحوا علي البيت مكانش بعيد عنهم خالص طلعت و قابلهم صاحب الشقه اتفرجوا عليها كانت حلوه اوي مش كبيره نظام استديو بس موقعها جميل و اللي عجب نغم اكتر حاجه الروف اتفرجت عليها وفضلت راحه جايه و بعدين دخلت علي الروف فضلت تتفرج من فوق وهي مبسوطه

دخلت نادين عليها

نادين….ها يا نغم ايه رايك

نغم….جميله اوي يا نادين نفس الصور واحلي كمان

نادين….بابتسامه يعني ايه موافقه

نغم….موافقه طبعا خلاص

نادين…..طيب تمام تعالي يلا نخلص مع صاحبها علي فكره هو هيسلمهالك علي طول البيت مش ناقص حاجه ولا محتاج صيانه لاي حاجه هنكتب العقد بثلاث تمام ؟

نغم….ثلاث سنين ؟

نادين….اه في مشكله

نغم…..لا مفيش بس انا توقعت انه هندفع اول شهر تكون الشقه بتاعتي اتباعت لكن ثلاث سنين

نادين….بصي هو مش هياخد فلوس ثلاث سنين هو هياخد بس مقدم ست شهور بس و الباقي هيبقي كل شهر عادي بس اللي بيتأجر بالشهر هنا المفروش او ايجار جديد لكن دي بعقد و بيتهيالي ثلاث سنين مريحه ليكي عشان تكوني وقفتي علي رجلك اكتر بعدها بقي نبقي نشوف هنعمل ايه ولو علي الفلوس انا قولتلك ملكيش دعوه لما الشقه تتباع هاخد فلوسي نخلص بقي

نغم…. بابتسامه ماشي اللي تشوفيه

نادين….طيب يلا بينا.

خرجت نادين هي و نغم لاحمد و صاحب الشقه و اول ما خرجت اتفاجئت بتامر بصتلوا بصدمه و ابتسمت

نادين….ايه ده تيموووو عامل ايه

تامر….الحمد لله يا نودي انتي اخبارك ايه