لقاء كارثي

وفجأه اتحكروا حركه سريعه حست بيها ايمي

رشيد….قام بسرعه اهو اهو والله والله اتحركوا

ايمي…. بابتسامه واسعه و خضه انا حسيت

رشيد….شوفتي بقي اني مش بكدب عليكي

ايمي….اتحركوا يا رشيد اخيراً

رشيد…بضحك يا ولاد الكلب هما بيتخانقوا ولا ايه

ايمي….بضحك مش عارفه

رشيد…هي الحركه دي بتتعبك ولا حركه عاديه ولا ايه

ايمي….لا مش بتتعبني بس حلوه اوي

رشيد….بسعاده انا مبسوط اوي هما كده حاسين بيا صح اصل انا كل ما احرك ايدي علي بطنك يتتحكروا
كده حاسين بيا ولا انا اتجننت

ايمي….بضحك لا يا عمري متجننتش اكيد حاسين بيك

رشيد…استني كده قعد جنبها وربع رجله و فضل يخبط بصباعه براحه و يبص و يستني شويه سكت و فجأة اتحركوا

رشيد….بضحك والله عارفين اني بلعب معاهم

ايمي….بضحك يا عمرري دول بيتحركوا بجد

رشيد….بضحك استني استني

فضل يخبط وهما يتحركوا و كان عامل زي الطفل بيجرب شعور لاول مره و سعيد سعاده متتوصفش و ايمي طايره من الفرحه و هي شيفاه مبسوط و هي بتحس بحركتهم لاول مره كانت اوقات بتحس بس بتفتكر انه بيتهيألها لان الحركه خفيفه اوي لكن المرادي حركه واضحه و لعب و بطنها نفسها باين عليها الحركه.

رشيد…بسعاده هو مين فيهم اللي بيخبط تفتكري البنات و لا الولد وعامل فيها راجل وكده

ايمي….بضحك معرفش انت اتجننت ولا ايه

رشيد….بضحك شكلي كده حلوين اوي صح

ايمي….صح يا روحي طالعين لابوهم
هو انت مش ناوي تقوم يلا تجهز عشان تروح شغلك

رشيد….لا والنبي يسيبني العب معاهم شويه

حرك ايده تاني علي بطنها

ايمي…. بابتسامه و بعدين في لعب العيال ده علي كده اما يجوا هتفضل قاعد و مش هتروح الشغل

رشيد…اه هقعد معاهم ده انا ما هصدق يجوا

ايمي….بتأثر ابتسمت و مسكت كفه بحب باسته هتبقي احن اب في الدنيا

بصلها رشيد وابتسم بتأثر

رشيد….نفسي يجوا بسرعه عايز اشوفهم حاسس انهم واحشني من زمان

ايمي….وانا كمان ان شاء الله يوصلوا بالسلامه

رشيد….هو انتي مش ناويه بقي تختاري اساميهم عايز لما العب معاهم اناديهم باسم

ايمي….بابتسامه انا بصراحه فكرت في اسم الولد مش عارفه هيعجبك ولا لا

رشيد…قولي انا قولتلك اللي هتقولي عليه هسميه.

ايمي…آدم

ابتسم رشيد بسعاده و بعدين بص لبطنها وسكت شويه

ايمي…ايه عاجبك ولا لا