لقاء كارثي

عدي….بضحك معلش يا عم حسين مصدومه

حسين… بابتسامه وصوت طالع بالعافيه ازيك يا بنتي

تقي….بتاأثر و لمعه في عينها مدت ايدها الحمد لله حضرتك عامل ايه

حسين….في نعمه الحمد لله

تقي…حمد الله علي سلامتك بجد انا مبسوطه و اتخضيت بجد

حسين….بضحك الله يسعدك يابنتي انا كمان مبسوط اني شوفتك والله

تقي….بصت لعدي و هي خلاص دموعها هتنزل و ضحكت طب ازاي

حسين….طب تعالي بس اقعدي جوه شويه

خدهم علي المحل وقعدوا بصت لعدي بصدمه كان عمال يضحك بهدوء و سعيد بفرحتها اوي

حسين….نورتي الدنيا

تقي…..منوره بحضرتك والله معلش انا مخضوضه شويه بس عدي مقاليش احنا رايحين فين وانا متوقعتش والله

حسين….عارف والله

عدي….. بابتسامه بصي انا كنت حابب افاجئك و كمان في الاول معرفتش اوصل خالص لعم حسين فضل وراه لحد ما عرفت اجيب مكانه و لما وصلتلوا كان لسه تعبان و محبتش اتعبه استنيت لحد ما فاق و قدر يقوم من تاني و عرفتوا بيا و بعدين قولتلوا اللي حصل يومها و كمان وعدته اني اجيبك ليه تسلمي عليه بنفسك

تقي….بابتسامه بجد مبسوطه اوي ان حضرتك بخير

حسين…..انا اللي مبسوط اني شوفتك و اتعرفت عليكي انتي و عدي تشربوا ايه بقي.

قعدوا معاه شويه و اتكلموا معاه واتكلم معاهم و بعد حوالي نص ساعه قاموا مشيوا ركب عدي و ساق هو

عدي…. بابتسامه طيب انا ممكن اعرف بتعيطي ليه الوقت

عيطت تقي و فضلت ساكته

عدي….بضحك طب خلاص انا كنت عايز ابسطك والله

تقي…..بدموع والله فرحت اوي بس صعب عليا مبسوطه اني شوفته بجد اوي

عدي…..انا عارف و حبيت اطمنك عليه

تقي…..بس صعبان عليا صوته اوي

عدي…..هو قالي ان الدكتور قالوا انه اتكتبلوا عمر جديد يعني كويس انها جات في صوته واحبال صوتيه و بس الراجل اتدبح يا تقي يعني كويس انه عاش اصلا الحمد لله

تقي…. بابتسامه مسحت دموعها الحمد لله هو الراجل بقي اللي عمل فيه كده حصل فيه ايه

عدي…..اتسجن طبعاً وعم حسيت قالي انه اعترف بعد ما فاق انه كان غصب عنه صعب عليه عشان النه مريض كانسر وهو اللي كان بيصرف عليه فا مبحش ياذيه بس طبعا خد حكم المهم انه كويس

تقي….الحمد لله بجد مفجأه حلوه و اتبسطت اوي و بجد.شكرا انك لسه فاكره

عدي…..هو مش انا وعدتك اني هفضل وراه لحد ما الاقيه

ابتسمت تقي بسعاده