لقاء كارثي

كان في حجات ممكن يستلموها في نفس الوقت لو حابين بس ميدو قرر انه يشيل كل حاجه في نفس اليوم علي طول خدها بعد كده علي ركن اغلبه ديكورات و ابچورات و انوار بتتحط في الاركان شكلها يجنن اختارت نادين حجات كتير خلت في لمسه شيك و تجنن للبيت

وبعد ما خلصوا و خرجوا ميدو كان مبسوط جداً

عسال…..ااااااه اخيراً مش قولتلك اهدي و بلاش تضايقي نفسك وربنا هيحلها اهو تقريبا جيبنا كل حاجه و هنستلم بعد خمس ايام

نادين…. بابتسامه الحمد لله كده مش ناقص غير حجات بسيطه

عسال….بكره بامر الله هاخدك علي مكان يجنن نجيب منه السجاد انا معايا المقاسات و في واحد بليل كده هيجي ركب المرايات كلها بتاعت البيت تبع تامر هو واخد المقاسات و المفروض انه يجي يركبها بكره بامر الله

نادين….طيب و الستاير

عسال….الستاير لازم الفرش بكون موجود عشان اختيار الالوان يكون سهل بمجرد ما الفرش يجي تاني يوم هتصل بيهم و هنخلص يعني خلال اسبوع تقريباً نكون مخلصين بأمر الله شوفتي بقي الموضوع سهل ازاي قوليلي كلمتي بابا

نادين….بصراحه لا لسه كنت خايفه اقول تمام و لما ننزل ناخد وقت

عسال….لا خلاص بكره بقي تتصلي عليه و تعرفي ماما كمان عشان بعملوا حسابهم

نادين….اوك

عسال…..شكلك تعب خالص

نادين…..عادي ارهاق بسيط

عسال….معلش يا روح قلبي والله لو كان ينفع المشاوير دي من غيرك كنت عملت كده بس لازم تختاري انتي

نادين….لا يا حبيبي انا عارفه المهم الحاجه بجد عجبتك ولا بتقول كده عشان انت عايزني انا اللي اختار

عسال….. اكيد عايزك انتي اللي تختاري حتي لو الحاجه معجبتنيش بس والله تحفه و يجننوا و بدأت اتخيل شكل البيت و هو مفروش كمان اهم حاجه تكونب انتي مبسوطه

نادين…..مبسوطه اوي بجد انا كمان مش قادره اصبر لحد ما اشوف البيت مفروش

عسال…..باس كفها هانت خلاص ياروح قلبي انا بحبك اوي يا تويتي و مش مصدق انك كلها ايام و تبقي في حضني علي طول

نادين….بضحكه تجنن و انا بحبك اوي يا ميدو

عسال…ربنا ما يحرمني منك ابدا يلا بقي نروح لايمي

نادين……يلا بينا

………………

الوقت كان عمال بيمر ايمي و رشيد كانوا مستنين الشباب و صل حسان اول واحد و بعدين و صل ميدو و نادين و شويه و صلت ايه و سلمي و بعدين جات ليله و عشري و فضل وسلامه كلهم وصلوا معادا نعيمه ليله اتصلت بيها مكانتش بترد..