لقاء كارثي

بصت للشباك و هي دموعها نازله و عماله تعيط بوجع

قرب تامر كفه مسك كفها جامد

تامر…..متعيطيش يا نغم انا اسف بجد و الله العظيم مقصدش اضايقك و حاسس بيكي و حياة ربنا انا بجد اسف خلاص اوعدك مش هفتح معاكي موضوع مريم ده تاني و انتي عندك حق

نغم…بصتلوا وهي دموعها نازله تامر انا مش حد وحش والله العظيم و لا حد قاسي و يمكن اللي واجعني اكتر ان انا عارفه كويس ان مريم محتجاني جنبها لان كل كلمه قالتها عن اهلها صح مريم بالنسبه ليهم كلهم بنك متنقل فلوس بتتاخد من غير حساب محدش عايز مريم الا عشان فلوسها و حقيقي هما لو عرفوا ان مريم عندها مرض زي ده هيفرحوا و بمجرد بس ما التعب يشد عليها و ترقد مريم مش هتقوم تاني علي رجلها هتبقي خلاص كانها ماتت و محدش فيهم هيحاول حتي يلحقها او يساعدها و لو طالوا يحبسوها في اوضه زي ما هي عملت فيا و يمنعوا عنها العلاج هيعملوا كده مريم مش قويه زي ما انت فاكر يا تامر مريم ضعبفه و ضعيفه جدا هي بتمثل القوه بس عشان عارفه ان تمثيلها للقوه ده هو اللي مخليها عايشه و هو اللي مخليها قادره تكمل و هو الي مخلي الكل يعملها الف حساب بس لو بينت ضعفها ده ليهم هياكلوها كل ده واجعني صدقني والله العظيم بس انا بني ادمه اتحرمت من اختي و شوفتها بتم*وت قدام عيني اكتر من مره و عاشت ايام سوده قبل م*وتها

انا اللي شوفت خيانتهم و شوفت كل حاجه غصب عني لما بشوف مريم بفتكر كل ده مبقدرش اتعاطف معاها جايز اكون هم*وت عشانها لاني عمري ما كرهتها بس والله العظيم غصب عني ز علانه عشانها و كنت اتمني مسيبهاش بس مريم مسابتليش اي فرصه

تامر…..بحزن طيب عشان خاطري خلاص اهدي من فضلك بطلي عياط بقي ضغط علي كفها نغم انا اسف و حاسس بيكي والله العظيم و عارف انك في حيره كبيره جدا و وجع كبير بصي انا مش هتكلم في موضوع مريم ده تاني بس لو حابه اني اتابعها من بعيد لبعيد هعمل كده مش حابه خلاص بطلي عياط بقي ممكن

هزت نغم راسها و مسحت دموعها بهدوء ساب تامر كفها بهدوء و بصلها

تامر….قوليلي بقي تلحاجه اللي اختارتها عجبتك

نغم….بابتسامه هاديه و هي عماله تمسح دموعها اه حلوه اوي

تامر ….هنروح الوقت نطلع الحاجه و هخلي العمال يركبوها علي طول عشان تبقي جاهزه ماشي

نغم….ماشي

تامر….علي فكره بقي انا واقع من الجوع و انهارده لما نخلص هتعملي اكله حلوه