لقاء كارثي

عدي….انتي بتعرفيني علييييييهم هو ايه اللي دول ثلاث مرايات و دي اشاره مش عارفهم انا مثلا بيهببوا ايه دول وبعدين دي مش الاشاره دي اليد بتاعت المساحات مسك رقبتها خنقها اللي دوستي عليها و كنتي هتنطي وراء لما اشتغلت

تقي…..بضحك انت بتخنقني يا دودو

عدي….دودو في عينك انا هحدفك بره العربيه الوقت

تقي…..بضحك خلاص عرفنا ياعم المرايات ببص عليها عشان اشوف الطريق و دي خلاص المساحات مش عايزينها يبقي دي الاشاره صح

عدي….الحمد لله ده بس اللي فكراه طب السواقه نفسها فاكره منها ايه بقي ده انتي مذكرتيش هتحركي المخروبه دي ازاي

تقي…..بضحك انا بعترض علي الاسلوب

عدي….اتفلقييييي

تقي….بضحك طب خلاص براحه بهزر معاك يا دودو والله فاكره و هبهرك

عدي…لا والله ما اضمنك قولي الاول قبل ما تبهريني

تقي…..والله ابدا لازم ابهرك عشان تبقي فخور بيا و بتعليمك اللي مش هيروح علي الفاضي

عدي….اتمني ان عمر يهو اللي ميروحش علي الفاضي لما اخد فيكي خمسه وعشرين سنه

تقي….بضحك اخس عليك يا دودو اهون عليك

عدي….بضحك بت متستفزنيش انا لسه مفوقتش اخلصي

ابتسمت تقي و دورت العربيه في الاول بصتلوا بثقه و بعدين بدأت تطلع واحده واحده بالعربيه.

عدي…. بابتسامه اوبااااا طلعنا فاكرين بجد

تقي….قولتلك هبهرك عيب عليك

عدي….شاطره بس براحه خفي رجلك سنه بسيطه عن البنزين لحد ما تاخدي غيار جديد عشان الصوت اللي انتي سمعاه ده عالي علي اول غيار

تقي…..كده تمام

عدي…اه لما تغيري بقي الغيار دوسي شويه شويه

فضلت تقي تسوق و تلف وتروح مره شمال ومره يمين تمشي وسط العربيات واحده واحده بدأت تفهم اكتر و رجلها تاخد علي العربيه كانت مبسوطه اوي و المرادي ثقتها كانت اعلي عدي كان مبسوط منها وابهرته فعلا وكانت افضل كتير من اول مره
فا اتحمس معاها

تقي….ايه رأيك؟

عدي….براڤو والله شاطره ركزي بس مع المرايات مننساش الاشاره و بهدوء محدش بيجري ورانا و زي ما قولت اي حاجه تفاجئك زي المساحات كده اوعي تتوتري او تعملي اللي عملتيه افضلي محافظه علي ثباتك لحد ما تقفي علي جنب عشان لا تأذي نفسك ولا تأذي غيرك

تقي….تمام يعني تديني كام من عشره

عدي…اممم سبعه ونص

تقي…..بابتسامه مع اني اخد اكتر بس حلوين

عدي…..حلوين جدا لتاني مره سواقه و عشان كده ليكي عندي مفجأه حلوه