لقاء كارثي

تامر….هو انتي ناويه تمشي امته ؟

نغم….يعني انهارده لو جيبنا كل حاجه هفضل في البيت خلاص او لو ملحقناش نظبط البيت و نركب الاوضه يبقي بكره

تامر….انهارده او بكره هو انتي مستعجله اوي كده بجد؟

بصتلوا نغم وابتسمت بهدوء

نغم….مزهقتوش مني

تامر…..بصلها و بعدين بص للطريق هو واضح ان انتي اللي زهقتي

نغم…ليه بتقول كده بالعكس انا حياتي مبقاش حلوه غير انا عرفتكم بس غصب عني والله

تامر …اااا احمم تمام عموما ربنا يوفقك في حياتك واكيد يعني احنا جنبك اي وقت واي حاجه تحتاجيها كلميني او يعني كلمي بابا او البنات

نغم….اكيد

ابتسمت نغم بهدوء و بعدين بصت علي الطريق وفضل تامر ساكت

…………….

خرجت نعيمه من الاوضه و هي مرعوبه تدور علي القطه بس ملقتهاش في البوكس كان واقع علي الجنب اتصدمت و جريت بسرعه طلعت فوق الكرسي

نعيمه….يا قطه يا قطه بس بس بس انتي روحتي فين اطلعي والنبي

فضلت تبص حواليها مكانتش باينه نزلت بهدوء تدور عليها في المطبخ مش موجوده تحت الترابيزات والكراسي والكنب مش موجوده دخلت التويلت الخارجي بصت لاقتها واقفه علي جنب بتحفر بايدها و عامله بيبي

نعيمه…..انتي هنا شطوووره بتعملي بيبي في التويلت انتي مين عرفك تبقي شاطره كده

اتحركت القطه ناحيتها جريت نعيمه و القطه فكرتها بتلاعبها فا جريت وراها بقت تصوت و نطت فوق الكرسي

نعيمه….برعب لا لا والنبي انتي بتعملي كده ليه ليه بتجري ورايا امشي امشي انا لسه بشكر فيكي

نيو نيو

نعيمه….لا لا مش هكلمك خلاص وقفتي قلبي حرام عليكي

فضلت واقفه و القطه تحت الكرسي بصالها و بتنونو و مش راضيه تبعد اتصل عليها فضل الموبايل كان في ايدها ردت عليه وهي بتنهج و باين من صوتها ان في حاجه

نعيمه….الووو

فضل…صباح الخير

نعيمه…..صباح النور

فضل…..انتي كويسه؟ مال صوتك

نعيمه….اه كويسه انا بس كنت بجري من القطه عشان بترجي ورايا

فضل….ضحك غصب عنه بتجري من قطه و القطه بتجري وراكي ليه عملتيلها ايه

نعيمه….والله ما عملت حاجه انا كنت بشوفها هي اللي جريت ورايا

فضل…انتي فين اصلا ؟

نعيمه….انا في البيت

فضل…طيب و قطه ايه اللي بتجري واركي في البيت انتي بتحلمي ولا ايه

نعيمه…اه صح انت متعرفش اه ما انا عندي قطه في البيت يا فضل

فضل…..ودخلت ازاي دي