لقاء كارثي

ايمي…..بسخريه حنين!!

بضلها فضل وضحك

فضل…خير عايزه ايه

ايمي….رفعت حاجبها وابتسمت خير انت مالك ومالي انا كلمتك الوقت

رشيد….بضحك ولا انت هتفضل مزعل مراتي كده كتير

سلامه…اوباااا انت مزعل الكبيره

فضل…بضحك والله ما زعلتها هي اللي زعلانه مني انا مقدرش ازعلها اصلا ايمي حبيبتي صح يا ايمي

بصتلوا ايمي و ابتسمت و ضيقت عينها

ايمي….انت عارف انت لو مش غالي عندي كنت قت*لتك يا فضل

فضل…..عارف بس انتي كمان لازم تعرفي انه كان غصب عني و الاهم انا مقصدتش والله العظيم ازعلك انا كلامي كان لامي و لعشري و كنت مضغوط

عشري…. حصل يا ريا

ايمي…..بضحك ريا في عينك اسكت انت

عشري…بابتسامه لا بجدوالله بعيدا عن الهوار فضل بيحبك و بيحترمك و انتي عارفه ان انتي والبنات غاليين عنده بس هو كان فعلا مضغوط و كان متخيل ان الكل جاي عليه هي دي كل الحكايه

ايمي…..بصت لفضل انا مقدرش اجي عليك يا فضل و شيل من دماغك خالص فكرة ان نعيمه عشان اقربلي منك انا ممكن اقف في صفها في الغلط انا اول واحده وربنا عالم وققت قدام نعيمه ازاي سواء قدامك او قدام البنات او بيني وبينها يعني مستحيل تكون غلطانه واشجعها علي الغلط و قولتلك نعيمه غلطت في حقك بس غلطها حقيقي المرادي مكانش مقصود و نفسيتها كانت زفت بتطش بمعني اصح انا بس كل خلافي معاك اني كنت عيزاك تدي نفسك و تديها فرصه او اسمعها علي الاقل زي ما حصل بينكم كده يا سيدي اقتنعت اديك مكمل مقتنعتش انت حر و محدش فينا يقدر يلومك بس لكن اني اشوفكم بتبعدوا و محدش فيكم بيسمع للتاني مقدرتش يا فضل لاني واثقه ان انتوا الاتنين بتحبوا بعض

فضل….عارف والله يا ايمي و انا مزعلتش منك ولا من اي بنت فيكم بالعكس انا عارف ان ده حب مش اكتر انا بس وقتها كنت عايز اوصل شعوري م شاكتر و فكره ان الكل كان ضاغط عليا خلتني حسيت انكم مغلطني

ايمي…..بالعكس محدش غلطك و لا حد فينا يقدر يغلطك فضل انا بعتبرك انت والشباب اخواتي زيكم زي محمود محبش ان حد يجي علي اخويا بس بما اني بعتبركم اخواتي فا اكيد في عشم بيننا يخليني لما اشوف حد فيكم غلطان اتكلم معاه واقول في وشه انت غلط زب ما بعمل مع محمود و انت غالي عندي يا فضل والله العظيم و كان صعبان عليا اللي بيحصل

فضل….حبيبه قلبي يا ايم يالمهم لو زعلتك انتي و ليله بجد.حقكم عليا انا بعزكم اوي و بعتبركم اخواتي و ميرضنيش زعلكم مني