لقاء كارثي
لقاء كارثي
رشيد…. بابتسامه يعني هبقي ابو ادم
ايمي….ايه رأيك عاجبك
رشيد….طبعا حلو اوي احلي دومي في الدنيا
ضحكت ايمي مسك رشيد كفها باسه و بعدين شبك ايده في ايدها
رشيد….طيب والبنات
ايمي….امممم بصراحه في اسامي في بالي بس مش هقولك عليها الوقت
رشيد….طب ليه طيب قولي متبقيش رخمه
ايمي….بابتسامه طيب هقولك و اوعدني متقولش لحد
رشيد….مقولش الاسامي كلها ولا اسامي البنات
ايمي….اممم اسم واحد
رشيد…طيب مش هقول قولي بقي
ايمي….انا عايزه الاول اعرف البنوته اللي مع ادم يعني عايزه لما اولد اعرف مين البنوته اللي كانت في كيس لوحدها ومين البنوته اللي كانت مع ادم
رشيد….ودي عادي نعرفها
ايمي…اكيد الدكتوره هي اللي هتخرجهم و انا هطلب منها تعرفني مين فيهم اللي كانت لوحدها
رشيد….طيب اللي مع ادم حابه تسميها ايه
ايمي……لي لي
رشيد…. بابتسامه و ده ايه معناه
ايمي….بابتسامه اسم زهره ايه رأيك
رشيد….ادم و لي لي حلوين اوي طيب و القمر اللي لوحدها هتسميها ايه
ايمي…بابتسامه كلها تأثر ليله
بصلها رشيد و ابتسم و فضل ساكت شويه
ايمي….شوف انا اليوم اللي عرفنا في نوعهم في الحفله امنيه كانت واقفه مع ليله و بيهزروا قالتلها والله لو جبت بنوته هسميها ليله كنت عايزه اض*ربها و اقولها اياك تعملي كده لان من اول ما حملت او حتي من قبل ما احمل كان نفسي اجيب بنوته و اسميها علي اسم ليله و الحمد لله حملت في بنوتين طول الفتره دي بحاول الاقي اسم يمشي معاها و حسيت ان لي لي قريب
ايه رايك
رشيد…. بابتسامه ليله تعرف ؟
ايمي….لا و اوعي تقولها
رشيد….طيب اشمعني اختارتي تسمي البنوته اللي لوحدها ليله
ايمي….بضحكه هاديه مش عارفه من اول ما الدكتوره قالت في بيبي منهم في كيس لوحده و بعد كده عرفت من نادين ان الدكتوره قالتلها ان بنوته منهم هي اللي لوحدها حسيت ان هي هتطلع بلطجيه زيها و ملهاش خلق و قاعده بدماغها
رشيد….بضحك تصدقي صح
ايمي….بضحك مش عارفه بقي حاسه ان عايزه اسميها هي ليله و عشان كده هطلب من الدكتوره تقولي مين فيهم اللي كانت لوحدها
رشيد….طيب ليه محتارتيش بنفس الحرف اسم الولد
ايمي….انا بحب اسم ادم اوي مفيش اسم في بالي غيره بحس انه مش بيقدم خالص انت في حاجه معترض عليها
رشيد….لا خالص كلهم حلوين ادم
لي لي وليله يجننوا
