لقاء كارثي

باس كفها بحب

ايمي….مش عايزه اي حد يعرف اسم ليله ده خالص عايزه افاجئ لولي كاننا لسه مش اختارنا غير ادم

رشيد…بضحكه جميله ماشي يا ادم

ضحكت ايمي بسعاده و فرحة باسم ام ادم اوي

رشيد….هما سكتوا ليه ناموا

ايمي….شكلهم بيسمعونا و بيعفوا اسمهم

رشيد….بابتسامه او جاعوا قومي يلا بقي خليهم يفطروا حرام

ايمي….ماشي يا قلبي يلا ادخل خد شاور و هجهزلك لبسك و بعدين هروح احضر الفطار انا و چوي

رشيد….ماشي يا عمري علي مهلك يا ام ادم ولا ام ليله احلي

ايمي…..بضحك انا ام ادم و ليله و لي لي مش عايزه ازعل حد فيهم

رشيد….بضحك ماشي يا ستي مش هنزعل حد يلا علي مهلك.

………….

و لتاني مره علي التوالي يقابل عدي تقي عشان يبدأوا رحله جديده في عالم السواقه مع بعض..

ركب عدي جنبها و بصلها و هو رافع حاجبه كان باين عليه انه لسه صاحي مش من كتير و لسه مش فايق كانت قاعده قدام الدركسيون عماله تقرب الكرسي و ترجع تبعد

وفجأه مسك صباعها وبصلها اتخضت و ضحكت

عدي….صباعك ده لو لمس الزرار تاني هقطعه كفايه نكشششش

تقي….بضحك الله مش بعدل الكرسي

عدي…..اتعدل خلاص كفايه

تقي…..علي فكره اسلوبك مش هيمشي معايا كتير

عدي….انزلي لو مش عاجبك و اتمني

تقي…..بابتسامه مش نازله من هنا غير لما اتعلم وبكره يبقي عندي عربيه واذلك يا عدي

عدي…..يارب يبقي عندك عربيه عشان اخلص منك و متركبيش عربيتي تاني

تقي….بضحك حساك مضايق

عدي…انا لا خالص انا زي الفل ممكن نخلص بقي

تقي….مستنياك تبطا رغي عشان تقولي اعمل ايه

بصلها بصدمه و عدل نفسه بسرعه و مسك كتفها و رفع حاجبه

عدي……ايه الجمله؟؟؟ مستنياك تقولي اعمل ايه ؟ ده انتي نهارك مطاعلوش شمس هو انا يابت هعيد من تاني

تقي…..بضحك استهدي بالله يا دودو مش كده

عدي…..دودو ايه يابت هقت*لك انتي نسيتي اللي اتقال المره اللي فاتت

تقي….اديك اهو بتقول اللي فاتت يعني اكيد لازم تفكرني و بعدين بقالك يومين مشغول مره شغل مره عفش محمود انا مالي بقي

عدي….بس السواقه مبتتنسيش

تقي….دي للناس اللي اتعلمت انما انا لسه بتعلم بس شوف انا فاكره شويه حجات اقولك عليهم

عدي….بغيظ كان هيتشل جنبها اشجيني

تقي…..دول ثلاث مرايات و دي اشاره صح

عدي…..يا فرحة قلبي بيكي

ابتسمت تقي بسعاده و فجاه اتخضت منه