لقاء كارثي

فضل كان عمال كل شويه يبص من الزجاج علي الجنينه عشان يشوفها

ايمي والبنات كانوا واقفين عند المطبخ بيرغوا و بيعملوا قهوه مستنين نعيمه تيجي عشان يتعشوا.

ليله….ولعت سيجاره و بصت لسلمي عملتي ايه انتي وايه جيبتوا الحاجه اللي نقصاكم

سلمي…..لولي انا مش عارفه اجيب اللانچيري خالص يعني مش عارفه المفروض اجيب ايه اصلا

ايه…..وانا يا ليله متحاسه و مش عارفه اصلا ابدا منين قبل ما انزل كنت فاكره اني ناقصني حجات كتير بمجرد ما بقينا بنمشي في المحلات حسيت اني تايهه مش عارفه اجيب ايه و نسيت اصلا انا محتاجه ايه

ليله…..يعني مجبتوش حاجه

سلمي….جيبنا شويه حجات بس زي ما ايه بتقول احنا تاييهيين يعني في العادي بننزل نعمل شوبينج لنفسنا عادي و لو حاجه بتعجبنا في اي وقت بنشتريها بس المرادي الموضوع مختلف انتي نازله تشتري جهازك انا كنت شاله حجات كتير فا اللي ناقصني مش كتير اوي او ده اللي كنت فكراه بس لما اديت لحسان الحاجه حسيت انه لا انا لسه ناقصني حجات كتير وماشيين بقي تايهيين مش عارفين المفروض نجيب ايه و لا قد ايه من كل حاجه

ايمي…..يا قلبي افهمي هو مش بالكميه متجبيش عدد علي الفاضي جيبي اللي انتي حاسه انه هينفعك او مش عندك جيبي الطقع الي نقصاكي و اللي هتستخدميها بلاش تشتري وخلاص

سلمي….مش موضوع شراء وخلاص انا بقولك تاييهين يا ايمي مش عارفه انا يمكن لما طلعت الحاجه ادتها لحسان بقيت اكتب ايه اللي عندي و ده اللي نفعني عشان مجيبش من نفس الحاجه تاني بس برضوا ناسيه خالص المفروض اجيب ايه

ايمي….هو بصراحه الشوبينج للجهاز مختلف عن اي شوبينج عادي طيب قولولي اساعدكم ازاي ننزل سوا

ليله….اقعدي انتي بس ببطنك دي علي جنب انتي عارفه نزوله زي دي هتعمل فيكي ايه انا هروح معاهم بصوا بكره باذن الله ننزل سوا ايه رايكم

ايه…..ياريت والنبي يا ليله انا وسلمي ضايعين انا فكرت ان سلمي هتنجزني بس طاعت هي كمان تايهه اكتر مني

سلمي….بابتسامه اه والنبي يا لولي انا كنت عايزه اقولك بس عارفه انك ممكن تبقي مشغوله

ليله….مشغوله في ايه يا هبله انتي لو علي المطعم ريهام موجوده و بصراحه مش مقصره انا معنديش حاجه هننزل بكره باذن الله كل واحده فيكم تكتب ايه اللي جابته وايه اللي عندها وايه اللي ناقصها و هاخدكم علي مكان مكان زي ما عنلت مع نفسي في اماكن تجنن و فيها كل حاجه يعني المكان اللي هندخله هتخرجوا منه جايبين كل حاجه متقلقوش بس عايزين ننزل بدري مش متأخر عشان ناحق