لقاء كارثي

مضوا العقد و حصل شد وجذب بين نادين واحمد علي دفع الفلوس بس اقنعتوا نادين في الاخر او صممت و دفعت هي المبلغ علي ان هي و نغم لبهم حسابات مع بعض بخصوص الشقه بتاعتها.

و لعد وقت مش طويل اوي استلمت نغم المفتاح من صاحب الشقه في ايدها كانت مبسوطه اوي وحاسه براحه فظيعه سابهم و مشي.

احمد…بابتسامه حزينه مبروك يا بنتي ربنا يجعلها فاتحه خير عليكي

نغم….بابتسامه تأثر الله يبارك فيك ياحبيبي

نادين….مبروك يا نغومه

نغم…الله يبارك فيكي يا نودي بجد شكرا تعبتك معايا اوي

نادين…. تعبك راحه المهم انك مبسوطه و في وسطنا

نغم….الحمد لله

احمد….طيب ايه يلا بينا بقي و لا هتعملوا ايه

تامر ….هنروح نجيب حاجتها هكلم بس حد كده يجهزلي عربيه و هاخد الشباب معايا

احمد….تامر مش عايز قلق عشان خاطري

تامر….مفيش قلق اطمن الموضوع خلص خلاص هكلمك متقلقش

نادين….طيب انا هاخد بقي حمودي اوصلوا في طريقي و انت خد نغم عشان تنجزوا

احمد….ماشي يلا بينا

نزلوا كلهم تحت

احمد…..تامر خد بالك منها وخلصوا وامشوا علي طول

تامر….حاضر

ركبوا العربيات واتحركوا

اتصل تامر بصاحبه و بعدين عمل كان اتصال كده سريع و قفل

تامر….احمم مردتيش عليا ؟

بصتلوا نغم كان باصص علي الطريق

نغم….علي ايه ؟

تامر…..ليه مستعجله تمشي من البيت ؟

نغم…انا مش مستعجله ولا حاجه بس خلاص البيت جه و انا كمان بقالي كتير اوي عندكم كفايه كده و الاهم ان سلمي و ايه هيتجوزوا يعني في كل الاحوال لازم امشي

تامر…..كان ممكن تفضلي حتي لحد ما يتجوزوا كده كده هتبقي معاهم الفتره دي فا هي هي خليكي معاهم كمان في البيت

نغم….اكيد هفضل معاهم بس كلنا عارفين من البدايه اني اكيد همشي و زي ما قولتلك كفايه اوي كده انا تعبتكم و غلبتكم و قلبت حياتكم

تامر….مين قال انك عملتي كل ده انتي لا تعبتينا ولا غلبتينا ولا قلبتي حياة حد اكيد هتمشي و هتكملي حياتك بس يعني انا بقول بس عشان حاسس ان بابا مضايق اقصد انه اتعود علي وجودك

نغم….بابتسامه عمو احمد غالي عندي و انا بعتبره ابويا يعني مش هسيبه و ديما هسأل عليه و هشوفوا و بعدين انا ساكنه جنبكم لاني انا كمان اتعودت عليكم و مقدرش ابعد عنكم فا متقلقش انا عمري ما هسيبه

تامر….المهم البيت عجبك

نغم…اه حلو اوي