لقاء كارثي

نغم…..بضحكه هاديه ماشي انا موافقه

ابتسم تامر و كمل طريقه.

…………………..

قابلت نادين ميدو بعد ما خلصت مع نغم و خدها و راحوا يتفرجوا علي الفرش بتاع البيت المكان اللي راحوا فيه كان كبير اوي متكون من اكتر من دور و مساحة كل دور كبيره جدا

فرجها ميدو علي كل اوض النوم و كل غرف السفره و الانتريهات و الركنات والمطابخ عجبها حجات كتير و بعد ما كانت متوتره و مضايقه و مودها مش حلو بدأت تحس انها مبسوطه و هي بتلف و بتتفرج و بتتخيل شكل البيت

نادين كل اللي كان في دماغها فرش هادي و سمبل اختيارها كان محدد هي عارفه هتختار ايه او ايه اللي هيلفت نظرها كانت بتدور علي الهدوء و الالوان الرقيقه و الهاديه و اللي ينفع بعد كده تغير اي حاجه و تمشي علي الالوان بعد لف كتير و طلوع و نزول كانت تقريباً قررت

عسال…..ايه يا عمري احنا كده خلصنا في اي حاجه لفتت نظرك و عجبتك قبل ما نمشي

نادين…..هو احما هنمشي خلاص

عسال….اه اتفرجنا علي المكان كله لو في حاجه عجبتك قولي مفيش ادينا خدنا فكره و بكره بامر الله نشوف مكان تاني

نادين….بهدوء هو لو انت حابب تروح مكان تاني اوك بس في حجات كتير عجبتني

عسال……بابتسامه طيب كويس اوي انا لو هروح مكان تاني هروح عشانك انما انا عادي بالنسبالي

نادين…..لا في حجات كتير عجبتني اوي

عسال….اقت*لك وساكته ليه طب ما تقولي

نادين….بابتسامه انا مستنياك تقول و تختار بس لما مقولتش فكرت ان مفيش حاجه عجباك

عسال….انا مش هختار يا روح قلبي انا عايزك انتي اللي تختاري كل حاجه في بيتك انا مليش علاقه ان شالله انام علي الارض و البيت فاضي هبقي راضي المهم اكون معاكي

نادين…..بضحك طيب انا هقولك اختارت ايه بس قول رايك

عسال….اللي هيعجبك اكيد هيعجبني كفايه انه ذوقك يلا تعالي قوليلي عجبك ايه

نادين….اوك يلا

راحت معاه علي الركن الخاص بغرف النوم اختارت غرفه هاديه جدا الدريسينج بتاعها شكله يجنن و ليه ركن خاص تسريحه و ميك اب عجبت ميدو جدا و كملوا في المعرض بقت تقول ايه اللي عاجبها و يراجع ميدو معاها المقاسات في حجات كانت مظبوطه علي المقاسات وفي حجات كانت صغيره
وفي حجات كانت كبيره شويه

و بعد لف كتير مره تانيه تقريباً نادين اختارت كل حاجه بس كان في تظبيط في المقاسات بالذات لغرف الاطفال والضيوف و عشان كده الاستلام اتأجل خمس ايام