لقاء كارثي

نغم….مش هنحتاج يا مريم احنا هنعمل كل حاجه

تامر…..شكرا يا مريم تسلمي لو في حاجه اكيد هقولك

مريم…بصتلها و بعدين بصت لتامر ماشي يا تامر يلا انا هروح علي الوكاله

تامر…..اتفضلي

شاور تامر لصحابه و بعدين قال للسواق يتحرك وراهم و مشي.

تامر….نغم براحه علي مريم شويه

بصتلوا نغم

نغم……براحه عليها ازاي انا عملت ايه

تامر….يعني انا حاسس انها بتحاول تقرب منك او تتعامل بطريقه احسن و باين انها ندمانه متقسيش عليها كده

نغم…..اقسي عليها بعد كل اللي عملتوا فيا وانا اللي قاسيه يا تامر بجد انت اللي بتقولي كده هو انت ازاي متعاطف معاها

تامر…..عشان هي بني ادمه في الاول والاخر بتغلط بتعمل الصح كلنا كده بس لازم نسامح و لو مش هنقدر علي الاقل نتعامل بهدوء اكتر

نغم…..قصدك ان انا اللي وحشه بجد هو انا المفروض ابقي طبيعيه عشان هي ندمانه او عشان بتحاول تصلح اللي عملتوا و لو مبقاش طبيعيه ابقي وحشه و قاسيه

تامر….انا مقولتش كده انا عارف انه غصب عنك بس مريم الوقت ظروفها م ش ي الاول خصوصا لما عرفنا مرضها فهماني

نغم….لا مش فهماك يا تامر انا كل اللي فهماه ان اختي ماتت بسببها و بقيت لوحدي بسببها و اض*ربت و اتعذبت و سمحت بموافقتها ان راجل يدخل عليا برضوا بسببها يمكن سامحتها عشان وافقت تعمل حاجه صح مره في حياتها و وقفت معايا في موضوع هاني بس اني اتعامل معاها زي الاول مستحيل لان انا معنديش زرار ادوس عليه يا تامر يخليني انسي جايز اصعب عليكم من اي حاجه حكيتها لكن اللي عاش الحاجه دي هو انا و انا بس اللي عارفه الحاجه دي ازاي وجعتني و اثرت فيا حتي لو هكون و حشه في نظر الكل و قاسيه انا سامحتها بس وجودها في حياتي واني اشوفها اصلا مش مقبول

تامر….طيب ممكن تهدي انا لا قولت انك وحشه ولا انك قاسيه و مقدر جدا شعورك و اللي عيشتيه حتي لو كان مجرد سمع اكيد اللي حسيتي انتي بيه اقوي انا مقصدش صدقيني انك وحشه بس انا بحاول اهون عليكي مش اكتر مش عايزك تفضلي شايله من حد او مزعله نفسك مريم جايز تكون محتجاكي

نغم….وانا مش محتجاها يا تامر انا اخر مره احتاجت فيها مريم كانت المره اللي سمعتها هي و هاني بره بيعرفها هيدخل يعمل فيا ايه و هي وافقت و رغم اني سمعتها بس ملقتش غيرها استنجد بيه و بقيت اصرخ و انادي عليها متخيل انك تنادي و تستنجد بشخص موافق يتعمل فيك كده بس انت مش لاقي غيره قدامك انت مش حاسس بيا ولا هتحس بيا مريم صعبانه عليك بس يمكن لو كنت شوفت الموقف اللي كنت انا فيه كنت صعبت عليك اكتر منها صدقني مرضها ده كان اسهل بكتير من وجع الموقف اللي كنت فيه انا..