لقاء كارثي

متسيبش ايديا وخليك جنبي وطمني
خليك دايما أكتر حد قريب مني
لو مرة زعلنا تعالي احكيلي وفهمني
وأوعدني تعديلي الغلطة لو جت مني
لو عيشت معاك عمرين فأكيد هحتاج تاني ده انا عمري ما امل معاك ولا هتغير منك وإن شوفت في يوم نفسك بعيوني هتلقاني لو مهما هشوف في الدنيا اكيد هختار قلبك
لو مهما هشوف في الدنيا اكيد هختار قلبك.

نعيمه عينها كانت مدمعه و متأثره بس اللي خطف قلبها بجد ضغطه فضل علي كفها هي كمان كأنها مصدقت و ضغطت علي كفه..

خلص ميدو الاغنيه و سلامه و حسان و رشيد صفروا

ايمي……اااااه يا قلبي يخربيتك يا ميدو

سلامه….. بضحك انا قولت اخويا المأذون محدش صدق يلا يا جماعه بارك الله لكما

ضحكوا كلهم علي سلامه و بعدين قام ميدو و بصتلهم ليله..

ليله…..فضل انت و نعيمه بعيداً عن اي اتفاق بينكم و بعيداً عن اي قرارات شخصيه بينكم احنا بنحبكم اوي تخطوا اي حاجه و اتمسكوا بس بحبكم عشان كل حاجه بتروح و بتتنسي الا الحب ده بجد و انتوا تستاهلوا تكونوا مع بعض

ايمي……بابتسامه قوم ياللي معندكش دم اعزم البت علي ديت بره في الجنينه

رشيد….بضحك هتولدها انت وهي

كملوا ضحك و قعدوا واتبسطوا و غيروا مود حلو و انتهت سهرتهم و مشيوا كلهم..

وللحديث بقيه ……