لقاء كارثي

ليله….بضحكه جميله و انا مش بضحك عليك يا بلطجي تعالي نزلني عشان اظبط السفره

عشري…..بس كده عيوني

قرب مسكها من وسطها و نزلها

………….

في منزل احمد

صحيت ايه و سلمي مكانش في غيرهم في البيت قاموا ظبطوا نفسهم

سلمي….ايه اجهزي بقي عشان ننزل و نلحق اليوم من الاول

ايه….قومت خلاص هو بابا فين

سلمي….لسه نازل هو و نغم من شويه هيقابلوا نودي عشان يشوفوا الشقه

ايه…اممم ماشي بصتلها وابتسمت حلمت بالبت نوني حلم لو عرفته هيغم عليها

سلمي….بضحك اشمعني

ايه….بضحك وهي بتهرش في شعرها حلمت ان هي معاها قطه في البيت و بتكلمني بتقولي اعمل فيها ايه و القطه بردانه و صوتها مرعوب

سلمي….بضحك صباح الفل لا يا قلبي ده مش حلم دي حقيقه

بصتلها ايه باستغراب

ايه…..يعني ايه؟

سلمي…..بضحك شوفي الشات بيننا

مسكت ايه الموبايل و بصت علي الشات بصدمه وهي شايفه صوره القطه

سلمي….كلمتك فعلا و انتي كنتي ناميه وانا كمان صحيت شوفت كانت مصوره الفديو ده وهي فوق الكرسي و كانت بتكلم ايمي وليله كلمتها قالتلي اللي حصل

ايه…..بصدمه نعيمه و قطه طب قسما بالله انا فكرت انه حلم نهار اسود طب ازاي

سلمي…بضحك لقيتها في المدخل و الدنيا كانت بتمطر و الجو برد نادت علي الحارس مردش مبقتش عارفه تعمل ايه وصعبت عليها بتقولي طلعت جابت فوطه و شنطه مسكتها و حطتها في الشنطه و طلعت بيها

و انتي قولتلها نضفيها بوايبس ودفيها وخليها تاكل

ايه…. ايوه صح انا قولتلها كده في الحلم والله

سلمي….بضحك ما قولنا مش حلم بقي هي سابتها بقي بتقولي دخلت تنام بعد ما نضفتها لما كلمتها مكانتش لسه خرجت من اوضتها و خايفه

ايه…..بضحك انا مصدومه دي نوني جبانه بجد و بتخاف

سلمي….والله وانا كمان بس هي معرفتش تتصرف القطه صعبت عليها

ايه….لا ده بجد نوني اتغيرت فعلا في حاجه غريبه اهو انا اصدق اي تغيير الا فوبيا الحيوانات اللي عندها دي مبتجيش المحل بسبب خوفها الا لو عارفه ان سلمت كل الكلاب

سلمي….دي حقيقه نوني شكلها اتغيرت بجد و انا مبسوطه عشانها اوي

ايه….القطه شكلها صغير خالص

سلمي…ابقي كلميها بقي عشان هي كانت عيزاكي تاخديها او تقوليها اي محل توديها ليه

ايه….لا حرام تخليها هتتبهدل في المحل

سلمي….ايه اللي هيبهدلها هيحطها عنده و اي حد هيشتريها