لقاء كارثي

تقي….مفجأه ايه

عدي…هقولك الوقت بصي كملي علي طول و امشي زي ما هقولك

تقي…هنروح فين؟

عدي….سوقي بس هتعرفي المهم ركزي و متسرعيش و عينك علي المرايات اوك

تقي….اوك.

……………….

عند ليله و عشري صحيت ليله من النوم ملاقتش عشري جنبها التويلت كان فاضي و الدريسينج كمان مش موجود فيه قامت دخلت التويلت غسلت وشها وسنانها و بعدين خرجت بهدوء تبص عليه لقيته في المطبخ واقف يجهز فطار و لابس

ليله….صباح الخير

عشري…. بابتسامه تجنن صباح الفل علي القمر بتاعي

ليله….مصحتنيش ليه

عشري…..سيبتك تنامي شويه كمان عشان تعرفي اني طيب ولما اقولك سيبيني خمس دقايق تسيبيني

ليله… بابتسامه قربت منه روح اقعد بره انا هكمل

قرب منها مره واحده وشالها من وسطها رفعها علي الرخامه

ليله….اتخضت يا مجنوووون

عشري….بابتسامه وقف قدامها وباسها القمر هيرتاح انهارده طمنيني رقبتك عامله ايه

ليله…..لا كويسه امونه طلعت شاطره اوي

عشري….مش محتاجه تعملي تاني كنت بكلمها الوقت سالتني عليكي و قالتلي انها عايزه تعملك مره كمان

ليله….بس انا حاسه انها احسن

عشري….مش عايزه تاني يعني

ليله….لا والله كويسه يا حبيبي

عشري….سلامتك يا عمري

ليله….الله يسلمك

عشري …قوليلي بقي يومك في ايه انهارده

ليله….اممم هروح المطعم و هروح انهارده استلم شقه هتفضي خلاص وبس بيتهيألي مفيش حاجه تاني بليل بقي نتقابل عند ايمي

عشري…..طيب اوصلك انا و بعدين اطلع علي الكافيه عشان واحنا راجعين نرجع مع بعض

ليله….لا انا لسه هاخد شاور والبس و اظبط نفسي انزل انت عشان متتأخرش و بعدين انا محتاجه العربيه عشان اتحرك بيها لو فضل جه معاك من غير عربيه يبقي يرجع هو بعربيتي

عشري…..تمام يا روحي زي ما تحبي

خدت بسكوته من جنب مكنه القهوه و كلتها بهدوء قرب منها خد باقي البسكوته من شفايفها

ابتسمت ليله و لفت ايدها علي رقبته و حضنته جامد

عشري…..لولي

ليله…هااا

عشري…..هو انا ليه حاسس انك مش مظبوطه

بعدت عنه وبصتلوا بحب

ليله….انا لا خالص ليه بتقول كده

عشري…مش عارف مجرد احساس

ليله….. خالص والله انا تمام امبارح بس كنت مأريفه شويه و الوقت لسه صاحيه

عشري….اكيد

ليله….اكيد يا عمري لو في حاجه هقولك من غير ما تسأل اصلا

عشري….ماشي يا ست البنات كلهم هعمل نفسي مصدقك