لقاء كارثي

نعيمه…..لا دي قطه امبارح وانا بكلمك لقتها في الدخل وراء الباب صغنونه خالص و المطره مغرقاها و شكلها تعبان انا ساعدتها طلعت جبت فوطه ومسكتها حطتها في الشنطه و بس نضفتها بالوايبس و حطتها في البوكس تنام فيه بس صحيت الوقت لقتها موقعه البوكس و كانت بتعمل بيبي في التويلت بصيت عليها و لما لقيتها خارجه جريت قامت جريت ورايا

فضل….بصدمه و هو مبتسم لا استني انتي عايزه تقنعيني ان في قطه في البيت و بارادتك وانتي اللي جبيتيها و مسكتيها و كمان نضفتبها و بايته معاها كده عادي

نعيمه…لا بص هو انا مسكتها بالفوطه و طلعت بيها و لبست جلافز و نضفتها بالوايبس و برضوا كنت بمسكها بالفوطه عشان خايفه منها

فضل….مش مهم المهم ان هي موجوده بارادتك و نامت معاكي في البيت انتي بتهرجي ولا بتتكلمي جد

نعيمه…والله العظيم بتكلم جد اهي واقفه تحت الكرسي مستنياني انزل عشان تعضني تكلمها

فضل….بضحك اكلم مين و بعدين مستنيه تعضك ازاي يعني هي مش هتعضك هي كبيره

نعيمه….استني اصورهالك

فضل…اه يلا صوريها

نعيمه…طيب خليك معاي

فضل….بضحك معاكي

بفتحت الكام وصورتها و بعتتها لفضل علي الواتس كان باين انها واقفه علي المرسي من رجلها و اللكلوك اللي هي لبساه والقطه تحت الكرسي واقفه وباصه عليه

نعيمه…بعتهالك

فضل…..لحظه ثواني و رد تاني وهو مصدوم نعيمه انتي عندك قطه بجد

نعيمه….امال بهزر يا فضل بحكيلك ايه انا من بدري

فضل….طب انتي ليه خدتيها

نعيمه….صعبت عليا و كانت بتترعش ناديت علي ابو امير عشان ياخدها او يحطلها اكل او حتي يشيلها في مكان دافي بس مردش كان نايم مقدرتش اسيبها

فضل…بابتسامه يعني بجد خدتيها عشان صعبت عليكي بس انتي بتخافي

نعيمه….انا بترعب مش بخاف بس معرفتش اعمل ايه

فضل….. بابتسامه طيب متخافيش هي صغيره علي فكره مش هتعملك حاجه انزلي من الكرسي اللي انتي واقفه عليه ده بدل ما تقعي

نعيمه…لا مش هنزل بقولك جريت ورايا والله

فضل….بضحك ماهو هي فكراكي بتلاعبيها مش خايفه منها هما القطط والكلاب كده تجري بيجروا وراكي

نعيمه…لا ما انا بخاف وبعدين احنا مش صحاب عشان نلعب مع بعض هي كده بتخوفني

فضل…..ماهي متعرفش انك بتخافي هي عايزه بس تلعب و بعدين دي صغيره يا نعيمه خايفه من ايه

نعيمه…لا ما انت عارف اني بترعب من اي حيوان صغير كبير بقي مش فارقه و بعدين دي وقفالي تحت الكرسي يعني مستنياني بس انزل هتعضني