لقاء كارثي

ركبوا و اتحرك بالعربيه.

حسان….بابتسامه مبسوطه يا هنا

هنا…..اوي يا بابي

حسان…..بهمس والقمر بتاعي مبسوط

سلمي….بابتسامه تجنن انا بحبك اوي

حسان….بضحكه جميله وصدمه اللـــه خير

سلمي….بضحك هو ايه اللي خير اول مره تعرف

حسان….بابتسامه لا طبعاً بس الرد كان مفجأه شويه يعني ايه بقي اللي مخلي القمر بتاعي مبسوط اوي كده

سلمي….اممممم عادي يعني مبسوطه وخلاص

حسان….بابتسامه ماشي يا ستي يارب ديماً بالك رايق كده

سلمي….رايق طول ما انا بحبك

حسان….بأبتسامه طيب الحمد لله يبقي هيفضل رايق علي طول بقول ايه بقي انا رشيد كلمني و انا مع شادي قالي هنتقايل عندهم علي عشره كده ايه رايكم نروح نتغدي انتوا مش جعانين و لا ايه

سلمي….انت مش هتروح البيت شوبه تبص عليهم

حسان……انا اتصلت علي تامر و متفق معاه هو هيظبط الدنيا نتغدي الاول مع بعض و بعدين هوصلكم عند ايمي و هروح ابص عليهم و بعدين اجيلكم ماشي

سلمي….طيب تمام

حسان….تاكلوا ايه بقي

سلمي….انا هاكل زي ما هتختار انت وهنا

حسان…..ها يا هنا تاكلي ايه

……………

خلصت ليله مشاويرها و حاولت نادين علي قد ما تقدر ترغي معاها في اي حاجه عشان تفكها خالص من المود الوحش اللي كانت فيه و بعدين خدتها و راحوا ياكلوا مكانتش عايزه تاكل بس نادين صممت و خدتها غصب عنها.

قعدوا كلوا و بعدين طلبت ليله قهوه و فضلوا قاعدين مع بعض شويه عشان يبقوا يروحوا علي ايمي علي طول كان لسه معاهم وقت شويه.

رن موبايل ليله ايمي كانت بتتصل عليها.

ليله….ايه يا ايمي

ايمي….فينكم

ليله….في حاجه ولا ايه

ايمي….لا يا قلبي مفيش بسال عليكم

ليله…..قاعدين بنشرب قهوه خلصنا و استلمت الحاجه اللي كنت حجزاها و كملت باقي حاجتي خلاص و الاستاذه نادين عزمتني علي الغداء و اهو بشرب قهوه وهي بتشرب الرصعه بتاعتها

ايمي…..ايس كوفي طبعاً

ليله…طبعاً نعيمه عندك لسه

ايمي…..اه عندي اسمعي

ليله…..قولي

ايمي….رشيد اتفق مع الشباب و اخوات عشري علي الساعه عشره تمام

ليله…..طيب تمام

ايمي….المهم بقي قوليلي عشان نعيمه عامله زي البقره و مش مريحاني لما يوصلوا نقعد بره في الجنينه و لا جوه

ليله….بزمتك انتي بتتصلي عشان تسأليني السؤال ده

ايمي…..يا بت ما انا مش عارفه باخد رأيك ايه الاحسن