لقاء كارثي

ولادك ان شاء الله هيبقوا اخوات هنا الصغيرين و هنا هتبقي اخت ولادك بامر الله يعني انا و انتي كبار و ناضجين كفايه اننا منسمحش الا بعلاقه محترمه هاديه و نبقي عيله حلوه لولادنا

سلمي…..بابتسامه تجنن وتأثر اطمني هنبقي كده ان شاء الله انا مبسوطه انهارده اوي لاني قولتلك كل اللي في قلبي و لاني سمعت كل اللي في قلبك و ارتحت بجد

علا….. بابتسامه طبطبت علي كفها عارفه و انا كان لازم اريحك زي ما حسان ريحني و ريح شادي و هلي حياتنا بجد جميله و طول الوقت بيتمني لينا كل خير و انا من قلبي بتمنالكم كل خير يا سلمي انتي حد جميل و محترم و بنت ناس و واثقه انك هتسعدي حسان و تعوضيه اللي مقدرش يلاقيه معايا حسان يستاهل كل خير و يشهد الله انه صديق غالي و ابو بنتي و من اللحظه اللي انفصلنا فيه بكل احترام هو اتحرم عليا و انا اتحرمت عليه و مفيش بينا غير كل ود و رحمه و عشره طيبه و من انهارده انتي هتبقي اختي و صاحبتي و ام بديله لهنا

سلمي……ده شرف ليا و ربنا يخليكي هنا و مايحرمكم من بعض ابداً و ترجعي بالسلامه بيتك في حضنها وحضن البيبي و اجي ازورك بقي انتي وهي في بيتكم

علا….. بابتسامه تجنن ان شاء الله و شدوا حيلكم بقي و اتجوزوا انتوا كمان عشان نبجي نفرح بيكم

سلمي…. بابتسامه ان شاء الله دعواتك

علا…..ربنا يسعدكم يارب و يحفظكم من كل شر و الحب اللي بينكم ده يكون اضعاف بعد الجواز

سلمي…..اللهم امين

علا….قوليلي بقي بباكي عامل ايه مع هنا

سلمي…..طاير بيها والله يا علا لسه كنت بتكلم معاه بيقولي بتفكرني بيكم وانتوا صغيرين بيحبها اوي و بابا اصلا بيحب الاطفال اوي و هنا جات خلا البيت ليه روح بجد

علا….تعرفي ان هنا بعيداً يعني عن انها بتروح تبات مع حسان عمرها ما باتت بره غير كام مره من ضمنهم عند اختي و اتصلت بيا قالتلي بنتك بتعيط تعالوا خدوها

سلمي….بضحك ليه بس حسان بيقول ان عندها اطفال من سنها
يعني هتتبسط معاهم

علا…..اه بس لما بيتجمعوا انتي عارفه بقب الاكفال لو قد بعض بيبقي في عند و مشاكل هنا بتحب اكتر الاطفال الاصغر او تحب جدا اللي اكبر منها بشويه حلوين بتحس يعني انها كبيره معاهم لكن اللي قدها مش بتتفق معاهم للدرجه عشان كده بحمد ربنا انها الكبيره و مش هتتخانق مع اختها