لقاء كارثي

ايمي…..من غير ما تحلفي يا نوني انا عارفه يا قلب اختك والله انتي ابقي اتصلي بامنيه اضحكي عليها بكلمتين و راضيها و انتي عارفه دي هبله اصلا لو كلمتيها هتلاقيها بتكلمك عادي امنيه بتحبك انتي و البنات اوي يمكن بس هي عشان مجربتش الدبش بتاعك اوي فا زعلت

نعيمه…..بأبتسامه طيب استني هكلمها الوقت خليني اطلعها مسرح

ايمي….بضحك تاااااني مبتحرميش

نعيمه….بضحك لا مسرح صغنن

مسكت نعيمه الموبايل جابت رقمها و اتصلت عليها.

ايمي…..بأبتسامه افتحي الاسبيكر

نعيمه…..بضحك عجبك المسرح الوقت

ايمي…..بضحك اه

امنيه…..الوووو

نعيمه….اهلا يا صفرا

امنيه….بابتسامه هاديه ازيك يا نعيمه

نعيمه…..نعيمه في عينك اسمي نوني يا بت

امنيه….بضحك طيب يا ستي ازيك يا نوني

نعيمه….الحمد لله يا ام كلالا عامله ايه انتي

امنيه……الحمد لله عقبال ما اشوفك ام كلالا انتي كمان

نعيمه…..عايزه تفرحي فيا يا واطيه و انا شبه الكوره

امنيه……ياستي يارب اشوفك احلي كوره في الدنيا

نعيمه….بابتسامه طيب يا صفرا مش هطول عليكي بس عرفت كده خير اللهم اجله خير انك زعلانه مني

امنيه….بضحك اااا احمممم خير

نعيمه….بضحك خير انتي يا روح امك بتزعلي مني انا يابت ده انا معايا شهاده معاملة اطفال المفروض ميتزعلش مني اصلا

امنيه……بصي يا نوني انتي عارفه اني في حياتي عمري ما زعلت من اي حد ولا بحب الزعل و النكد ولا المشاكل و تافهه و بحب الهزار بس كلامك ضايقني اوي و وجعني و يمكن لو كنت اتكلمت معاكي مكانش حصل كل ده

نعيمه…..طيب بصي مبدأياً كده قبل اي حاجه حقك علي راسي و اوعي تزعلي مني ابداً انتي عارفه اني بحبك اوي و مش انتي بس ولا اختك انا بحبكم كا عيله يعني زوزو و حماده و حودا بحسكم عيلتي و عمري في حياتي ما اقدر ازعل حد فيكم ابداً فا اوعي تزعلي مني

امنيه….طب بس بقي عشان هعيط والله

نعيمه…. بابتسامه لا متعيطيش بس يصعب عليا لما اعرف اني زعلتك والله يا امنيه والله والله انا مقصدتش كلامي ده خالص و كلامي معاكي لما قولتلك ان احنا اقرب لايمي وحياة ربنا ما كان تلميح ان ايمي بتحبنا اكتر لان مستحيل تحبنا اكتر منك انا نفسي انتي عارفه كويس علاقتي بالبنات عامله ازاي بس اكيد يا امنيه مش هحبهم اكتر من نسمه و نادر جايز من حبي فيهم احس اني بحبهم زي اخواتي بس اكيد مش هحب حد اكتر منهم فا انا كنت قصدي بالقرب يعني الرغي النم الصراحه اي صحاب في الدنيا بيعرفوا عن بعض اللي الاهالي متعرفهوش انا في حجات في حياتي يا امنيه محدش بعرفها غير البنات بس ده مش معناه اني مش بحب اهلي بس في حجات و مواقف بتحكيها لصحابك متعرفيش تحكيها لاهلك صحابك بتخرجي معاهم كل اللي في قلبك بتبقب طبيعيه معاهم اكتر من اهلك و انا و البنات علاقتنا مش زي اي صحاب عاديين احنا في بينا عشره و عمر و طبيعي نكون قريبن لبعض وده اللي كنت اقصده