لقاء كارثي

يمكن مش هكدب عليكي الفتره اللي فاتت و خصوصا الفتره اللي كنتي فيها تعبانه و شادي بيقول احتمال تولدي في اي وقت حسيت بغيره من اهتمام حسان ليكي بس مش غيره منك انا شوفتك و شوفت علاقتك بشادي و حبك ليه و حبه ليكي فا غيرتي مكانتش منك لاني مشوفتيش منك لا مضايقه ولا اي فعل يخليني احس انك قاصده تضايقيني بس مكنتش فاهمه رد فعل حسان و الحقيقه اني اتكلمت معاه هو اكيد حتي لو خايف عليكي فا خايف عشان كان في بينكم عشره بيحترمك و بيقدرك و انتي مش شخص مؤذي بالنسباله عشان بتمنالك شر كان خايف علي بنته و علي ام بنته اوقات الشيطان بيتحكم في عقانا شويه بس لما بنفكر بهدوء بنق ان في علاقات حلوه و محترمه و طيبه و مش شرط ابداً ان اب علاقه بين اتنين كانوا متحوزين تنتهي بشكل وحش و لا شرط ان يبقي عداوه بين اتنين ستات علي راجل و الحقيقه ان علاقه حسان بشادي خلتني افكر في الموضوع بشكل افضل لان معروف ان غيره الرجاله ببعض اصعب و انا شوفت ان ولا مره شادي شاف حسان منافس ليه لانه واثق في حبك و مشوفتش حسان مضايق من شادي بالعكس بيتعامل معاه كا صاحب و صديق و مأمن لبنته تعيش معاه هنا بدأت احس ان انا اللي صح جايز بابا كان معاه حق في الافكار اللي كانت ممكن تجيلي بس كمان دخولي التجربه دي خلاني افهم ان في علاقات بجد حلوه و حبيت اني اخد اول خطوه لقربي منك في اني اطلب منك هنا كان جوايا شعورين مختلفين اول شعور كنت عايزه اشوف لما هنا تقعد معايا و تنام في حضني هتقبلها و اتقبل فكره انها بنت الست اللي كانت متجوزه الراجل اللي انا هتجوزوا ولا هحس باحساس مش حلو و الحمد لله انا لا فكرت فيكي ولا فكرت في حسان ولا حتي فكرت في الحجات اللي كانت شغلاني انا اتلهيت مع هنا كأنها بنتي او بنت اختي و اتبسطت باللمه مع ايه و بابا و هي و احنا قاعدين مع بعض و ولا مره حسيت بشعور مش حلو جوايا من وجودها جنبي او من حقيقه علاقتي بيها..

تاني شعور كنت عايزه اشوف رد فعلك لما اطلب منك هنا هتوافقي انها تيجي عندي و لا لا عارفه ان من حقك ترفضي طبعاً لو شايفه ان ده مش مناسب ليكي بس انا
كنت عايزه اشوف هتخافي علي هنا مني ولا لا هترفضي لمجرد رفض انك مش بتحبي تخليها تبات بره و لا رفض انها معايا انا بالذات يمكن انا انتي لسه متعرفنيش او معندكيش الثقه الكافيه اللي تخليكي تديني بنتك بس حتي رفضك ده كنت هفهموا بس الرفض اللي كان هيفرق معايا بجد انك رافضه عشان مش حباني او شيفاني هبقي زوجه ام او مش حباني او جواكي مشاعر فيها تحفظ علي علاقتك معايا و الحقيقه اني اتطمنت اوي و يمكن موافقتك اني اخد هنا خلتني في نفس اللحظه اتشال من جوايا كل حاجه فكرت فيها لدرجه اني مستغربه اني روحت شويه مع التفكير ده فتره مش كبيره
فا لو في حد ممكن يشكر التاني يا علا فا الحقيقه انا اللي عايزه اشكرك
اشكرك علي ثقتك فيا و اشكرك انك اتعاملتي معايا باللطف ده و اشكرك انك من غير ما تحسي خلتيني ابعد عن دماغي اي تفكير او قلق او خوف و خلتيني اشوف شكل علاقتنا هتبقي عامله ازاي بعدين بجد شكراً