لقاء كارثي

ليله….الاتنين حلوين بس يعني خليما جوه افضل احنا كتير و بعدين عشان الواطيه دي لو ماشيه ورايا لا تسمعنا و لا تشوفنا متجمعين كده

ايمي…..هي وراكي انهارده كمان ولا ايه ؟

ليله…..لا مش ورايا انا بصيت عليها بس لا مش ورايا بس يعني الافضل خلينا جوه براحتنا كمان عشان الصوت ميبقاش عالي

ايمي….طيب تمام انتي هتيجي امته

ليله…..يعني شويه كده نشرب بس القهوه و بعدين هتحرك بس بصراحه مش عارفه اقول ايه لعشري

ايمي…..علي ايه

ليله….هو عارف اني كنت هخلص و هروح

ايمي….عادي قوليلوا هتعدي عليا او عرفيه انك لسه مخلصتيش مشاوير

ليله…..لا طبعاً افرضي اتصل بيا وانا عندك و سمع الصوت

ايمي….ابقي اخرجي الجنينه بره يا ستي

ليله….مش هعرف يا ايمي اكدب ما انتي عرفاني

ايمي….طيب خلاص قوليلوا انك جايه عندي

ليله…..ما عارف اني كنت عندك الصبح و اخاف يكون خلص مشاويره و يتجنن و يقولي هعدي عليكم مش عارفه بقي هشوف

ايمي……يا ستي اكدبي انهارده كدبه صغيره و خلاص اقولك قوليلوا روحتي و مصدعه و هتنامي اكيد مش هيتصل عليكي تاني

ليله…..لا مش هعرف طبعاً

نعيمه….من بعيد انتي يا ست صريحه هانم كدبه بيضاء احسن ما يقفشك من قفاكي او يجي زي ما بتقولي و يلاقي الكل هنا باخواته هينفخك و ينفخنا قبلك

ليله…..بس يا بت يا هبله انتي ابيض ايه و اسود ايه علي اساس لو عرف اني كدبت عليه مش هيعلقني من قفايا بعني ده هينفخ امي

ايمي….طيب اسمعي انتي متعرفيش
هو فين او راجع البيت امته

ليله…..هو كلمني من حوالي ساعه
و نص ساعتين و كان عنده مشاوير كتير المشكله انه مش بيقولي هو فين ولا بيعمل ايه عشان ميحر,قش المفجأه اللي بيعملها بس هي مشاوير ليها علاقه بالفرح و تجهيز البيت و اكيد شغله يعني بس معرفش هيرجع امته مسألتهوش

ايمي….خلاص عندي حل و انتي هتتحركي من عندك اتصلي عليه و شوفي كده هو خلص و لا لسه هيرجع امته و عرفيه انك هتعدي عليا شويه عشان مش عايزه تروحي
الوقت و ان انا قاعده لوحدي و رشيد هيتأخر شويه عشان عنده شغل وكده هيبقي عارف انتي فين و مش هتكدبي

ليله……افرضي عرف من جوزك انه روح ولا عرف انه مشي من الشغل

ايمي….يا ستي هقول لرشيد لو عشري اتصل بيك اي وقت كأنه عند امه بيطمن عليها و قاعد معاها شويه وانتي قوليلوا انك هتعدي تقعدي معايا شويه عشان رشيد راح لامه