لقاء كارثي

انا معترفه ان لحد الوقت مريم سبقاني بخطوه بس مش عشان هي الاذكي بالعكس عشان هي عندها استعداد تعمل اللي انا عمري ما هعملوا انا مهما كان عداوتي مع شخص مستحيل أذيه او انتقم منه انتقام يدمره انا خصومتي مع اي شخص بيعاديني يا نادين ليها حدود و خطوط حمراء ضميري بيجي عند نقطه معينه و مبيقدرش يكمل انما اللي زي مريم معندهاش ضمير و يمكن انا علي قد اللي بشوفه من عدوي بيقابل مني شر و مريم اللي جواها وحش اوي و خايفه اوي اني اقابل شرها و وحاشتها دي برد فعل مني انا نفسي اخاف منه انا بعرف اخد حقي كويس من اللي يجي علياو اوقات بسامح بس ببقي وحشه اوي يا نادين لو حد جه علي اللي مني وقتها غصب عني مش بشوف غير سواد لا ضمير بقي بيفوقني ولا بلتزم بخطوط حمراء

انا يوم ما دخلت عليكي يا نادين و شوفت هادي شايلك بيحدفك علي التربيزه وقتها انا لا كنت شايفه ولا سامعه ولا بفكر و لا عندي اي شعور يخص بني ادم انا كل اللي فكرت فيه وقتها اني لو هتوصل اني اق,تل هادي هعملها جايز مفكرتش في العواقب زي ما مريم بتعمل الوقت مفكرتش ان ممكن هادي يعمل فيا حاجه مفكرتش في قوته كاراجل ممكن يقدر عليا مفكرتش في اي حاجه و بعد ما ضر,بته و ربطته نسيتك اصلا ثواني حتي مبصتش عليكي وقتها علي طول كنت في حاله مش حلوه الانتقام منه عمت عيني حرفياً و انا لو وصلت للمرحله دي مع مريم و اذت حد فيكم او في اي حد اعرفه مش هرحمها هعمل زي ما هي بتعمل الوقت الانتقام اللي جوايا هيدمرها

نادين…..انا عارفه يا ليله و مقدره شعورك بس صدقيني مش هيحصل اي حاجه من اللي بتفكري فيها وجود الشباب جنبنا و معرفتهم زي ما ايمي قالت اسلم حل لازم الكل يخلي باله و يبقوا مفتحين لازم اخوات عشري يتصرفوا و يحاولوا يلاقوا حل يوقفوها بيه مش عيزاكي
عشان خاطري تفكري خالص حتي لو هتاخدي حذرك منها بس متخليش كلامها يأثر عليكي يمكن تكون فعلا مش بتهدد و ده اللي جواها فعلاً و عايزه تنتقم بس امته يا ليله الشر انتصر علي الخير اطمني انهارده بأذن الله هنتجمع و هنتفق عليها كلنا و فرحتكم هتتم و هتخلص علي خير و احنا كلنا هنبقي بخير متقلقيش

ليله….يارب يا نادين

…………….
اتصل رشيد علي الشباب واحد واحد و بلغهم و بعدين اتصل على علي اخو عشري بس كان غير متاح عشان كان جوه خالص في المافيه و مكانش في شبكه فا اتصل علي عمر