لقاء كارثي

طبعاً كل الحوار ده انا و الشباب عرفناه بعدين من عشري ابوها طبعاً مش طايقها خد الكلام من عم عشري و راح مسك مريم طحنها لحد ما سقطت

سلمي…..بصدمه اوووووف يعني البيبي نزل بسبب ضر.ب ابوها

حسان…..بالظبط هو راح و طبعاً هي كانت لوحدها مفيش حد يحوش عنها لا امها ولا اي حد الراجل طلع غضبه و وجعه و كسرته فيها مسبهاش غير لما نزل البيبي طبعا خدها علي المستشفي و فضلت معاهم شويه لحد ما خفت وبعدها احنا سافرنا ولما رجعنا تاني يوم قابلت عشري قالتلوا ان ابنها نزل بسببه و انها مش هتسيبه لا هو ولا اهله ولا ليله هو وقتها مردش عليها وسابها تقول كل اللي عندها من الاخر يعني راعي شعورها وقال انهابتقول اي كلام عشان اللي حصل معاها

سلمي…..دي بقت مريضه رسمي شايفه ان الراجل اللي عمل فيها كده و ابوها اللي نزل البيبي عشري و ليله هما السبب فيه بتطلع عقدها عليهم ليها حق ليله تقلق منها

حسان……هي حقيقي مريضه اينعم هي اللي غلط في القصه كلها دمرت نفسها و امها وابوها بس هي مستحيل تكون في وعيها يعني بردوا ضر,بات كتير وراء بعض لازم توصل للشر ده

سلمي…..حسان هي كانت بتحب عشري

حسان…..خالص والله ياريت كنت هلاقي مبرر لده كله وهقول مش قادره تشوفوا مع غيرها بس مريم كانت بتحب الشاب اللي كان معاها و هو بمجرد ما سلمتلوا نفسها هرب ماهو خلاص خد منها اللي عايزه هيقرب ليه من الحلال و هو واخد اللي عايزه في الحرام بس هي غبيه كانت فاكره انه كده هيحبها اكتر المشكله الوقت انها لما لقت نفسها

هتواجه مشكله تانيه لو اهلها عرفوا مسكت في عشري بايدها كانت شايفه ان ده طوق نجاتها و خدي بالك عشري كان هيطلع راجل معاها

بس عشري شاف ليله و حبها ومقدرش يبعد عنها خلاص شايف ان هي دي البني ادمه اللي عايزها من الدنيا فا مريم مقبلتش ده حست ان ليله جات بوظت كل مخططاتها
وخدت منها البني ادم اللي كان هيطلعها من الوحل اللي غرزت فيه

بس كل اللي بيحصل فيها ده عدل ربنا لان هي من الاول مكانتش كويسه ولا كانت ناويه خير لعشري ربنا وقع ليله في طريق عشري و خلاه يحبها عشان يبعد عن طريق كان هيغرز فيه بنيه صافيه يمكن لو كانت صارحته انها منزلتش البيبي ولا كانت ناويه تلبسهولوا بعد ما يتجوزها كان جايز ربنا يغفرلها و يكمل ستره عليها بس هي شيطانه