لقاء كارثي

علا….. بابتسامه الله يسلمك يا سلمي

سلمي…..احسن الوقت

علا….اه كتيرررر الحمد لله كنا فين وبقيت فين انا كنت بموت والله يا سلمي

سلمي….بعد الشر الحمد لله عدت علي خير

علا….الحمد لله و بجد يا سلمي انا مش عارفه اشكرك ازاي مهما قولتلك او شكرتك مش هوفيكي حقك

سلمي…..متقوليش كده يا علا انا معملتش اي حاجه تشكريني علي ايه بس

علا…..علي كل حاجه عملتيها مع هنا
من المرات البسيطه اوي اللي بحس ان هنا مبسوطه من قلبها يمكن هي ديما الحمد لله مبسوطه معايا و بمعامله شادي و مع حسان طبعاً اللي ديماً حريص انه يسعدها و مع اي حد قريب مننا بس انا عارفه هنا كويس و اي ام بتقدر تفرق بين السعاده العاديه لولادها و السعاده الكبيره و هنا مبسوطه اوي يمكن انا لما كلمتيني يا سلمي يوم ما كنتي بتقوليلي انك هتاخديها انا كنت بعيط من قلبي لان دي اول مره اسيب فيها هنا في حياتي من بوم ما اتولدت مسيبتهاش غير الايام اللي بتروح فيها لحسان اه ببقي مضايقه شويه بس في النهايه هي رايحه تتبسط مع بباها و كمان انا عارفه انها بتستني البوم اللي باخدها فيه و بتبقب فرحانه اوي عشان كده بحاول اكون عاديه بس المرادي الموضوع كان مختلف من بعد حملي او من بدايه الشهر الخامس و انا بتعب كتير اوي في الحمل ده و جيت في الاخر التعب كان كبير اوي حصلي حجات و تعب كتير غريب و اخر كام يوم كنت متوتره و قلقانه و كلام الدكتور خوفني فا المرادي مكنتش بس مضايقه اني هسيب هنا مع حسان كام يوم لا انا كان عندي شعور قوي و خوف رهيب ان انا مش هقوم تاني و كان مسيطر عليا اوي فكره اني هموت

سلمي…..بعد الشر متقوليش كده بقيتي زي الفل اهو الحمد لله

علا….الحمد لله انا قلقي كله كان علي هنا يا سلمي كنت خايفه عليها بجد و مش هكدب عليكي و اتمني تفهمي قصدي كويس

سلمي….اكيد

علا……احنا ستات و عارفين كويس ان ديما علاقه مرات الاب بولاد جوزها مش بتبقي حلوه او الاغلب و انا ام واكيد كان عندي الشعور ده مش منك انتي بالذات من الفكره عموما بس بنتي خلتني اعرف انك مختلفه الطفل ديماً بيحس بمعامله اي بني ادم و بيفهم اكتر من الكبير هنا جايز نكون عشريه زي ما انتي شايفه كده بس مش بتعرف تاخد اوي علي الناس او تتعلق بيهم بالشكل ده الا لو بتحبهم و حاسه انهم بيحبوها و هو ده اللي حبيت اشكرك عليه سعاده هنا و تمسكها و تعلقها بيكي خلاني اعرف قد ايه انتي جميله و حنينه لان الطفل ديماً بيبقي مرايا للمشاعر الحقيقه و هنا لو مكانتش حست معاكي بالحب ده مكانتش هتقعد معاكي لحظه واحده