لقاء كارثي
لقاء كارثي
هنا…..لا بسمع الكلام صح يا سلمي
سلمي…..بابتسامه صح يا مامي هنا شطوره اوي و بتسمع الكلام جداً بتاكل اكلها كله مش بنمسك الايباد كتير مش بنسهر و كل حاجه بتقول حاضر
علا…..براڤو يا عمري
هنا….مامي حضرتك هتفضلي في المستشفي و لا هتخرجي انهارده
علا……لا يا هنا مش هخرج انهارده لسه
هنا….طيب هتخرجي امته
علا…..لما الدكتور يقول
شادي…..لازم تكون كويسه خالص و بعدين تخرج يا هنا عشان مينفعش تخرج و هي تعبانه.
علا…..انا عارفه انك عايزه ترجعي البيت بس غصب عني والله
هنا……لا خليكي انا هفضل مع سلمي اصلا كنت هروح لو داليدا خرجت بس هي مش خرجت لسه انا هفضل عند سلمي
علا…..بضحك ابن ده يعني انا مش وحشتك خلاص عايزه تفضلي مع سلمي بس نسيتي مامي
هنا……لا وحشتيني بس انا عايزه افضل عند سلمي
سلمي….بابتيامه ضمتها بحب هي متقصدش يا مامي متقدرش تنساكي بس هي مش عيزاكي تتعبي و عيزاكي تخفي خالص الاول صح يا هنا
هنا…..ايوه صح
شادي…..بضحك واضح ان سلمي و هنا بقوا صحاب اوي
علا…..ايوه لاحظت انا و بعدين انا قولت اول ما تعرف اني ولدت هتفضل معايا و تشبط فيا
سلمي…..بضحك هو احنا صحيح بقينا صحاب اوي بس هنون كبيره و عاقله عارفه انها مينفعش تشبط و تتعب مامي
حسان…… بابتسامه تجنن انتي بس يا مامي اخرجي بالسلامه انتي و داليدا و هنا هتنسانا خالص
هنا…..بصت لحسان لا مش هنسي سلمي
حسان….بضحك طيب انا حاولت احسن صورتك و انتي مصممه تبوظيها اشربي بقي اللي مامي هتعملوا فيكي
علا…..بضحك سيبها يا حسان انا هخرج من هنا انا و داليدا مش هنقولها خليها بقي براحتها
سلمي….بضحك لا يا مي منقدرش نستغني عنك هي بس مبسوطه عشان بنخرج مع بعض و عشان في ميلو و في فسح و لعب بس لما تخرجي هي اللي هتهتم بداليدا اصلا
هنا…..ايوه يا مامي مش هخليها تعيط خالص
علا…… بابتسامه كاشي لما نشوف
هنا….يلا يا شادي خليني اشوف داليدا بقي
شادي……ماشي يا ستي يلا بينا يلا يا حسان يلا يا سلمي
سلمي…..بابتيامه طيب روحوا انتوا و انا هقعد مع علا شويه و بعدين هاجي اشوفها
شادي…طيب علي راحتك يلا يا بابي
حسان….يلا بينا
خرجوا التلاته و فضلت علي و سلمب باصين عليهم و مبتسمين و بعدين بصت علا علي سلمي
سلمي…..حمد الله علي سلامتك يا علا
