لقاء كارثي

بس هي صعبان عليها الشيطانه دي عشان حاسه ان لولا فضح عشري ليها مكانتش اتصرفت بالشر ده

نعيمه……عشري ملوش ذنب يا ايمي و ليله مش لتزم تحمل نفسها ولا تحمل عشري ذنبها هي اللي رخيصه و دمرت حياتها بايدها و بجحه رايحه ترمي وساختها علي غيرها عشان عاجبها الدور بتاع الضحيه ده عايزه تقنع ليله ان هما اللي غلطوا في حقها

ايمي…..لا طبعاً هي اللي غلطت في حق نفسها من الاول و وصلت نفسها للوحل اللي غرقت فيه هي بتحاول تلاقي مبرر للشر اللي عامي قلبها و عينها بس هي اكيد عارفه ان هي السبب

نعيمه….ربنا ياخدها و يولع فيها بجاز وسخ و الله لو ليله تسيبني عليها ما هرحم امها و تبقي امها داعيه عليها لو لمحتها

ايمي….احنا مش عايزين جنان اللي زي دي مستنيه غلطه من اي حد عشان ترمي بلاها عليه و عشري لو شم خبر هيودي نفسه في داهيه بسببها فا الله يخليكي اهدي خالص لحد ما الشباب يتصرفوا هما

نعيمه….اكيد مش هقولوا طبعاً انا لولا عارفه ان عشري مجنون كنت اتمني يعرف والله و اشوفه معلقها من قفاها بنت الواطي دي

ايمي…..بضحك هتموتيني والله

نعيمه……بأبتسامه بقولك ايه سيبك من الواطيه دي بقي و خلينا فيكي انتي و اختك الصفرا بت ليله قالتلي ان امنيه زعلانه مني و الله يا ايمي ما كنت اقصد خالص كلامي معاها انتي عارفه اني مش بعرف اوصل اللي جوايا غير بالدبش ده

ايمي….عارفه يا نعيمه و امنيه مش زعلانه بالمعني الكبير اللي انتي فهماه هي بس اضايقت شويه بس انتي عارفه امنيه عبيطه كلمتين ينسوها و من غير كلام كمان هي بس تقابلك مره و تضحكوا و تهزروا مش هتفتكر اصلا

نعيمه….لا طبعاً انا هكلمها و هراضيها انا بحب امنيه اوي و مش عيزاها تبقي شايله مني و انتي يا واطبه كان لازم تخليها تتكلم معايا

ايمي……انا محبتش يحصل اي حاجه بينكم خوفت انتي تاخدي الموضوع جد و عشان عارفه انك متقصديش كنت واثقه ان انتي اللي هتزعلي من امنيه انها فهمت غلط و كان هيبقي حوار و مش هننشر غسيلنا الوسخ قدام الشباب و قدام اهل سلامه و عسال فا قولتلها تسكت عشان خاطري و متتكلمش و هي سمعت الكلام بس اكيد عشان سكتت غصب عنها لسه مضايقه

نعيمه….والله يا ايمي مكنتش اقصد خالص صدقيني انتي عارفه ان امنيه غاليه عندي و انا بجد غلطت لاني هبلت في الكلام بس معرفش انها هتفهم بطريقه غلط