لقاء كارثي

سلمي…..بابتسامه الحمد لله بعيداً عن ان هنا تجنن و تدخل القلب من غير استأذان بس انا اتربيت في بيت مدخلهوش مرات اب امي هي اللي ربتني و عيشت معاها في حب و حنيه متتوصفش و الحقيقه ان بابا كمان حافظ علي الذكري دي متجوزش و لا جازف انه يدخل علينا مرات اب خوف من كل اللي انتي قولتيه ده و كمان انا تقريباً عيشت نفس اللي عيشته ده مع ايه اختي لما جات علينا بعد ما مامتها و بباها اتوفوا كنت انا الكبيره و كنت بحاول اتقمص دور الام معاها و اعمل نفس اللي امي كانت بتعملوا معايا انا و تامر اخويا و بابا كان بيشجعني بشكل غير مباشر اني اقوم بدرو الام ده ليها و لتامر و الحمد لله قدرت انا لما طلبت منك اخد هنا مطلبتهاش عشان خاطر اثبت لحسان اني هكون زوجه مناسبه و لا عشان امثل دور مش دوري في الحقيقه انا خدت هنا عشان سببين مهمين اوي اول سبب

لاني مقدرتش اسيبها في البيت مع حسان وهو بالمنظر ده جايز اكون شويه حبيت اخلي حسان ميبقاش شايل همهنا و خايف عليها من بهدلة التوضيب بتاعت البيت و وجود رجاله و عمال اغراب معاها و مكنتش هرضي ابداً اسيبها متبهدله و انا في بيتي مرتاحه

بس في سبب كمان كان مهم بالنسبالي و يمكن تستغربي اني هقولك كده

علا……سبب ايه يا سلمي

سلمي …. بابتسامه لما حسان اتقدملي و شرحت لبابا ظروفه انا كان متجوز و انفصل و معاه بنوته بابا معترضتش بس قالي كلمه واحده هتقدري ؟؟ في الحقيقه مكنتش فاهمه يقصد ايه بجملته دي بس هو شرحلي قالي حسان علاقته كويسه زي ما بتقولي بام بنته و في بينهم كلام و صداقه عشان بحافظوا علي علاقتهم ببنتهم انتي بقي هتقدري تتحكمي في مشاعرك و غيرتك ان جوزك يكون علي علاقه بام بنته في النهايه انتي ست و الست طبيعي تغير افرضي اتصلت بيه في وقت متاخر و قالتلوا بنتك تعبانه او عيزاك او اي حاجه مش هكدب عليكي انا قولت اه هقدر يمكن كان اندفاع مني عشان بحب حسان بس كمان مش هنكر ان بيني وبين نفسي فكرت في كلامه خوفت اني اغير او يحصل اي مشكله تبوظ حياتي بحسان خوفت اخرب بيتي بسبب افكار غريبه او واقع انا مضطره اتقبلوا و انا معنديش استعداد يا علا اني اجرب لاني بخاف اوي من التجارب في علاقات الحب و الارتباط و الجواز بس انا كان جوايه حته كده بتقولي لا كملي و هتقدري لما شوفتك في البطوله بتاعت هنا مش هنكر ان شعوري زاد شويه و كلام بابا كان بيدور في دماغي انا شوفت قدامي ست جميله و جميله اوي كمان لدرجه اني شكيت في كلام حسان ليا و ان انفصالكم كان بهدوء و مفيش فيه اي مشاكل قولت لا حسان بيكدب علا ست جميله و ازاي راجل يسيبها كده بسهوله بس الحقيقه اني صدقت جزء كبير من كلامه عن علاقتكم ببعض و علاقته الجميله بشادي و احترمت العلاقه دي اوي