لقاء كارثي

ايمي…..بضحك احيييييه عليا كنتي لسه مصلحاها من دقيقه

امنيه…. بضحك لا هي نعيمه اخرها في انها تمسك لسانها دقيقه و بترجع للدبش تاني

نعيمه…..بضحك يابت مقدرش انا بقولكم اعمل عمليه و اقفلي بوئي واخلص

ايمي…..بضحك لا خلاص امرنا لله هنتحملك المهم يا ست امنيه اتعاتبنا وخلصنا

امنيه…..اه خلاص والله

نعيمه…..متظعليش يا صفرا

امنيه….بضحك لا الصفرا مش زعلانه خلاص و انتي ربنا يهديكي و تمسكي لسانك

نعيمه….بضحك اوعدك اني هحاول

امنيه…..ماشي يا ستي

ايمي…..بتعملي ايه يا بت

امنيه…..ولا حاجه عماله افكر اعمل تكل ايه

نعيمه….ودي عايزه تفكير اندومي

امنيه….بضحك عشان عمرو يطلقني فيها دي

نعيمه….يبقي اكلة الشعب المصري كله لما بيتزنق

امنيه….بضحك اوعي تقولي مكرونه وبانيه

نعيمه….بضحك واضح انك اتزنقتي

امنيه….كتير والله كل ما بتزنق بعملها

نعيمه….بقولك ايه كبري دماغك و خليه يجيب اكل وهو جاي

امنيه……بقالنا كذا يوم بناكل من بره و كلنا امبارح عند زوزو

نعيمه…..بت عليكي وعلي عمرو انتي هتوجعيلي دماغي ليه بمشاكل المتجوزين دي يلا اتكلي غلي الله انتي هتصاحبيني

ايمي…..بضحك هي قالتلك هتحاول بس معرفتش وقلبت عليكي تاني

امنيه…..بضحك ماهو في الاكل بالذات مسمحاها حقها دي حيره بصراحه

نعيمه….طيب يلا عشان انتي خدتي علينا اوي هااا روحي يلا اقفي في المطبخ و روقي البيت

امنيه……يارب اشوفك مزنوقه زنقتي دي

نعيمه….بضحك كان علي عيني بس فضل عارف اني مليش في المطبخ و بعدين ليا سابقه قبل كده و حر,قت ايدي

امنيه….متحاوليش هتقفي يعني هتقفي مفيش مفر

نعيمه…..طب سلام يا امنيه هروح افركش مع فضل وارجعلك

ضحكوا هما التلاته و بعدين ققلت معاها و انتهي الخلاف اللي بينها هي و امنيه علي خير

………………….

حسان…..بهدوء مش فاهم يعني مريم بتهدد ليله

سلمي….لو سمعت التسجيل يا حسان اه تهديد صريح ليها هي و عشري دي بكل بجاحه بتقولها هحر,ق قلبكم علي اي حد قريب منكم

حسان…..بنظره قلق عشري لو عرف هيخرب الدنيا هو اصلا مش طايقها

سلمي…..ماهو مش لازم يعرف يا حسان و عشان كده لما نتجمع انهارده لازم نحاول نلاقي حل يعني لو اخوات عشري قدروا يتصرفوا و يخلوا أهلها يمنعوها يبقي حلينا مشكله كبيره