لقاء كارثي

بصتلها ليله و ابتسمت بهدوء

نادين…..روقي شويه شكلك مش كويس

ليله…..بابتسامه انا تمام يا نودي

نادين….لا مش تمام خالص لما بتسكتي كده بعرف انك مش كويسه

ليله…..غصب عني والله يا نودي دماغي فيها الف حاجه و الف تفكير

نادين…..انا عارفه ان اللي بتفكري فيه مش حلو و عارفه كمان انه غصب عنك بس انتي كده هتخليها تنجح في اللي عايزه توصلوا هي عايزه توصلك للحاله دي عايزه تنكد عليكي و تخليكي بدل ما تفرحي و تركزي مع نفسك تبوظ فرحتك و تضايقك و تخوفك و تقلقك خدي بالك يا ليله هي اللي مجننها بجد ان عشري بيحبك و متمسك بيكي جايز اوي تكون بتقارن نفسها بيكي يعني هي شايفه ان الولد اللي كانت بتحبه باعها و متمسكش بيها و كش بس كده ده سابها اول ما اتحطت في مصيبه لوحدها و انتي عشري عمل معاكي اكتر بكتير من توقعاتها هي هرب منها و خذلها و سابها وسط الطريق لوحدها و انتي عشري عشان يحافظ عليكي اتجوزك و خطفك فا طبيعي اوي انها كل ما تحس انك بتقربي خطوه من عشري و خلاص بتفرحوا تظهر هي و تنكد عليكم يعني مش بعيد تكون بتتكلم كلام عبيط و هي لا هتنتقم ولا هتعمل حاجه هي بس عايزه تخلي عقلك مشغول و متوتره و تضيع فرحتك

ليله…..يمكن اللي بتقوليه صح هي فعلاً نجحت انها توترني و تقلقني بس مقدرش اخد كلامها علي انه مجرد كلام عبيط قاصده بيه تشتت تركيزي انتوا سمعتوا التسجيل يا نادين بس انا كنت جنبها شايفه ملامح الغل و الكرهه اللي جواها صوت نفسها كله حقد قلقانه يا نادين يحصل حاجه مش في توقعاتي ولا حسبتي خايفه يحصل اسوء بكتير من اللي ممكن اتوقعوا

نادين…..مش هيحصل حاجه صدقيني و بعدين هيحصل ايه اكتر من اي حاجه حصلت في حياتنا يا ليله احنا مرينا بحجات كتير وحشه و عدت عشان احنا جنب بعض و المرادي احنا مش لوحدنا احنا معانا الشباب مريم مهما كانت وحشه فا هي فرد بس احنا مجموعه و الكتره تغلب الشجاعه يا ليله

ليله…..يمكن بس انا اتعلمت من خبرتي في الدنيا دي يا نادي ان سباق الحياه اخطر واحد مش هو الأشجع اخطر واحد اللي معندوش خطوط حمراء و مريم معندهاش خطوط حمراء بمعني اصح مش بتفكر في العواقب هي مش هاممها اصلا يحصل معاها ايه او الطريق اللي هي ماشيه فيه ده يوصلها لايه المهم انها تأذي وبس يا نادين و هو ده الفرق اللي بيني و بينها