لقاء كارثي

سلمي….لا مش هتتخانق ان شاء الله بالعكس هتبقي حنينه عليها اوي و هتتبسط بدور الاخت الكبيره و هتبقي مامي بديله و هتريحك متقلقيش كنت بعمل كده مع ايه وهي صغيره

علا……ربنا يطمنك يارب

خبط الباب و دخل شادي وهنا اللي كانت داخله مبسوطه اوي و حسان وراهم و كان جاي حاطت ايده علي قلبه يكون حصل بينهم حاجه او سلمي تكون مضايقه اول ما دخل عينه كانت عليها عشان يشوف ملامحها لما شافها باصه لهنا و مبسوطه اطمن.

علا…..شوفتي البيبي

هنا…..دي جميله خالص يا مامي

علا…..بجد

هنا…..ايوه جميله عارفه يا سلمي عندها صباع صغنون خالص

سلمي….بضحك ماهي لسه صغنونه يا هنا بس قوليلي بقي شبهك

هنا……مش عارفه بس هي جميله خالص ليه مش جيتي شوفتيها

سلمي…هشوفها لما تخرج هي ومامي من المستشفي ان شاء الله

حسان…..مبروك يا علا تتربي في عزكم يارب ربنا يحفظها

علا…..ميرسي يا حسان عقبالك انت و سلمي

حسان….بابتسامه اللهم امين يارب
ايه يا سلمي يلا بينا

سلمي…..اه يلا

حسان……ها يا استاذه علا اطمنتي خلاص علي هنا و لا لسه قلقانه

علا…..ابتسمت و بصت لسلمي لا اطمنت اوي و بجد تعبتكم معايا و اسفه علي الازعاج اللي عملتوا ليك يا حسان بس هنا كانت وحشاني اوي

حسان….. مفيش ازعاج ولا حاجه المهم انك اطمنتي و متقلقيش عليها هي زي الفل و سلمي و البنات و الكل مدلع الاستاذه هنا

علا…..عارفه والله

سلمي…..حمد الله علي سلامتك يا علا و ان شاء الله تخرجي بالسلامه

علا…..يارب احسن انا زهقت خالص

شادي….هانت خلاص ان شاء الله علي بكره ولا بعده يكتبولنا خروج

حسان….علي خير يارب وزي ما قولتلك اي حاجه تحتاجها عرفني و انا هجيلك علي طول

شادي…..متحرمش منك يا صاحبي

حسان…يلا هنا سلمي علي مامي

هنا…..قربت منها باستها باي يا مامي

علا….باي يا قلب مامي اسمعي كلام سلمي

هنا….حاضر يا مامي

شادي….طيب انا مفيش بوسه

هنا….بابتسامه باي يا شادي

شادي…..باي يا قلبي نورتي يا سلمي

سلمي…..ميرسي ياشادي و الف مبروك و ربنا يطمنك علي علا والبيبي

شادي…..اللهم امين

خرجوا من المستشفي بعد ما سلموا عليهم و راحوا علي العربيه سلمي كانت خارجه مبسوطه اوي و عندها سلام نفسي رهيب بعد الكلام اللي حصل بينها هي و علا و من كتر كلامها عن حسان حست انها بتحبوا اكتر بكتير حسان كان ملاحظ عليها انها مبسوطه كان مستغرب و عنده فضول بعرف اتكلموا في ايه بس سكت سابها براحتها حبت تحكي تحكي محبتش خلاص