لقاء كارثي

نعيمه….صراحه انا مش عارفه ازاي عملتها

ايمي…..بجحه وشها مكشوف يعني اللي في وضعها بيتمني انه ميفتكرش بينه وبينه نفسه يعني حتي لو تعرف عشري و بينها و بين عيلته عشره ازاي متكسفتش و بعدين هي شر من الاول علي فكره يعني هو بعد ما قدملها كل الحلول ضحكت عليه و قالتلوا انها نزلت البيبي و لما قفلتها في وشه خالص عشري كان هيتجوزها و يسيبها بعد فتره كملت و استغلت موقف عشري

ومش بعيد تكون خططت لده من الاول و استغلت جدعنه عشري معاها و انه محبش ان ابوها يتكسر
و يصون العشره و الصداقه الي بين ابوها وابوه ضحكت عليه في موضوع البيبي و ضحكت عليه في موضوع انها متجوزه عرفي اصلا و طلع الموضوع كله من تأليفها و الواد اللي كانت ماشيه معاه ده سلمتلوا نفسها بمزاجها في الحرام لا و كانت ناويه كمان انها تغفلوا و تخليه يفكر انه قرب منها عشان تلبسوا في عيل مش ابنه كان لازم نفهم من البدايه ان اللي بالشر ده و اللي بتفكر تفكير شيطاني زي ده مستعده تعمل اي حاجه في الدنيا عشان نفسها

نعيمه…….و ليله زعلانه اوي انه فضحها دي حلال فيها اوسخ من كده و عشري كمان غبي بصراحه يعني ايه يعرف انها مكانتش متجوزه و ان مفيش ورق اصلا و كان هيتجوزها

ايمي….كان عايز يستر عليها يا نعيمه كان صعبان عليه ابوها و امها و بعدين عشري قال ان السفريه الاولي دي مالغبط و مش عارف يعمل ايه هو كان بين نارين واحد جواه عايز يستر عليها و علي عيلتها وواحد تاني مستصعبها علي رجولته انه يقبل بواحده زي دي في حياته هو حتي لو مش بيحبها و متجوزها من باب الستر في النهايه هو راجل شرقي و طبع البدو صعب يا نعيمه في النهايه هتبقي مراته و علي ذمته

نعيمه…..عندك حق بس والله تستاهل اللي عملوا فيها و ليله تبقي غلطانه لو فكرت بالطريقه دي

ايمي…..خدي بالك ليله صعبان عليها البت

نعيمه….عارفه و ده اللي هينقطني منها مش دي اللي المفروض تصعب عليها يا ايمي هي نسيت ان دي اللي كانت سبب في اللي حصل بينها وبين عشري و لا نسيت انها كانت سبب في تعبها

ايمي……ليه مش محملاها الذنب ليله عارفه ان كل ده حصل بسبب كدب عشري عليها و هي لما تعبت و لا محصل بينهم المشكله دي فعلاً عشان هي اتصدمت ان عشري كان خاطب و البت وصلتلها انه كان خاطبها لحد من قريب و ليله بتحب عشري و بتحبوا اوي كمان و متوقعتش ده خالص عشان كده صدمتها قلبت معاها بتحب لانها مقدرتش تخرج الغضب اللي جواها