لقاء كارثي

حتي لما كل واحد فينا خد قرار الانفصال بينه و بين نفسه انا اللي طلبت ده الاول خد فتره علي ما قدرت اقول قراري ده و لما حسيت ان حسان كمان جواه نفس المشاعر

طبيعي يا سلمي لما اي اتنين ينبهروا ببعض في الاول و يرتبطوا علي طول من غير ما يعاشروا بعض فتره لما بيكبروا شويه و ينضجوا بيحسوا ان قرارهم كان غلط متسرع فا بيحصل برود فتور انا بشوف ان السن الصغير ده مش للجواز ده لاكتشاف الحياه للسعاده الانبساط اللي عنده احلام يحققها اللي عنده طموح يسعي ليه اللي حابب يسافر و يلف الدنيا و يتبسط يعمل كده يسعد نفسه و يعيش حياته قبل ما يدخل و يشيل مسؤوليه لان مسؤوليه الجواز مش سهله خالص الجواز مش مجرد اتنين اعجبوا ببعض او حبوا بعض و قرروا يعيشوا في بيت واحد الجواز اعمق من كده بكتير بيت و مسروليه وحياه و تخطيط و مواضيع مش متوقعه و مواقف مش في الحسبان و صدامات و مواجهات يعني لو الاتنين موصلوش لسن نضج كافي مش هيقدروا ابداً يكونوا قد الجواز و لا هيعرفوا يخوضوا معارك الحياه مع بعض وده اللي حصل معانا العيب لا كان فيا ولا كان فيه يمك كمان انا بابا الله يرحمن و ماما فضلوا زعلانين مني فتره بعد الانفصال عشان خاطر حسان لانهم كانوا بيعشقوا الراجل ده و اهل حسان بصراحه مشوفتش منهم غير كل خير و زعلوا جامد من قرارنا ده بس انا وهو كنا لاول مره ناخد قرار و احنا واثقين منه و دعمنا بعض.

كمان بعد مدن طويله انا مكنتش حتطه خالص موضوع جوازي من شادي ده في دماغي لا هو ولا غيره لاسباب كتير عشان اكرر نفس التجربه تاني الموضوع كان مرفوض بالنسبالي لان كنت خايفه اتجوز و افشل تاني في جوازي وده قرار مش سهل كنت خايفه جدا من فكره ان حسان يرفض بنتي تفضل معايا اه هو انسان محترم في كل تصرفاته بس في ان بنته تقعد مع راجل غريب كنت عارفه انه هيرفض و شيلت الفكره خالص لحد ما شادي ظهر في حياتي خدت وقت لحد كا اتعلقت بيه بس لما لقيت ان شادي هو الشخص المناسب ليا خوفت من رفض حسان ان هنا تفضل معايا فضل وقت اسال نفسي اقولوا مقولش و شادي كمان قالي طيب نتكلم معاه بهدوء كنت مرعوبه

لحد ما خدت القرار و روحت قابلتوا واتكلمت معاه وقولتلوا اني هتجوز رد فعله كان يجنن لا حسيت انه مضايق ولا زعلان بعدها سألته طيب و بنتي يا حسان هتاخدها مني و اتفاجئت من رده قالي مستحيل افرق بينك وبين بنتك اه انا مهم في حياة بنتي بس مش هكون زيك انتي امها بس كان شرطه الوحيد انه يشوف شادي اكتر من مره و يقابله و حصل و شادي كان متفهم جداً و حسان عملوا اختبارات كتي اوي في مواقف مختلفه وحقه طبعاً هو اب في النهايه و راحه بنته تهمه و اتفق مع شادي علي شروط كتير و الحمد لله اتجوزت و من وقت للتاني شادي كان بيبقي حريص انه يعزموا او نتقابل بره نتجمع و بصراحه شادي كمان انسان يجنن واعي و متفهم و بيحب حسان جداً عمري ما حسيت انه بيغير منه و لا في اي حقد جوه واحد فيهم و زي ما انتي علاقتنا ببعض محترمه و جميله و هاديه و سبب من الاسباب اللي خلتني اوافق انك تاخدي هنا بعيداً عن اني كنت قلقانه عليها تقعد مع حسان في وضع البيت ده بس كنت عيزاكي انتي كمان تاخدي عليها تقربي منها كنت حابه علاقتكم ببعض تكون حلوه زي ما حسان قدم الفرصه دي لشادي في النهايه بنتي بيني انا و ابوها هو وافق بكل احترام انها تفضل معايا في وجود زوج ام و انا كمان لازم اوافق و بكل احترام ان بنتي تبقي مع ابوها في وجود زوجه اب و الحمد لله شادي ميعتبرش لهنا زوج ام و حسان شاهد علي ان شادي بيعاملها معامله تجنن و انا كمان بعد ما شوفت فرحه بنتي في قربك اشهد انك مش هتكوني لبنتي زوجه ام هتبقي زي بنتك و اللي بينا يا سلمي لازم يكون مختلف و جميل