لقاء كارثي

وخدت جزائها و ربنا رفع ستره عنها
اللي مستغربه بجد انها حتي وهي بتحاول تخرج من القرف اللي كانت فيه كانت ناويه تدخل في قرف اكبر و تخدع عشري و تكمل في القذاره دي و طبعاً هي مش قابله ده الوقت و شايفه ان عشري و ليله اللي دمروا حياتها.

سلمي…..بس هي بجد يا حسان ممكن تعمل حاجه في اي حد يعني ممكن توصل انها تأذي

حسان….اه طبعاً هي هان عليها نفسها يا سلمي اول حد أذته كان نفسها واللي يهون عليه نفسه يهون عليه اي حد

سلمي….انا بجد بدأت اتوتر مش عارفه ليه بيحصل معانا كده كل ما نحس ان الدنيا حلوه معانا يحصل حاجه مش متوقعه و المشكله ان انا و البنات ملناش في الجو ده خالص يعني اكيد اتعرضنا لمواقف كتير قبل كده بس مقابلناش حد زي مريم او بنفس اذاها ده يمكن اتأذينا بس بردوا مكانوش مرضي نفسسين كده
يمكن الشخص الوحيد اللي كان وحش زيها كده هو هادي اللي كان مرتبط بنادين بس غير كده لا مكانش في حد زيهم

حسان…..اللي زي مريم و هادي دول بيعيشوا طول عمرهم يعلقوا غلطهم علي شماعة غيرهم و مش بس كده بيختاروا شخصيه انتقاميه تطلع مرضهم علي الناس بس انا واثق نهايه مريم هتبقي نفس نهايه هادي البنت دي لو محدش وقفها ورجعها لعقلها نهايتها هتبقي وحشه بجد

سلمي….ياريت بجد.حد يوقفها لان ليله صعبانه عليا اوي كل ما بتفرح لازم تيجي حاجه تبوظ فرحتها او تشتتها و انهارده بالذات كنت حاسه ان ليله تايهه ديماً ليله بتحل مشاكلنا و بتسمعنا و قليل اوي لما تشتكي من حاجه او تطلب من حد مساعده بس انهارده لما انهارده لما اتكلمت معانا و قالت انا محتاجه رايكم حسيت ان هي فعلاً تايهه و خايفه

حسان…..ليله مش خايفه يا سلمي ليله خايفه حد يتأذي بسببها عارفه طول ما المشكله بينها و بين عشري و مريم مش هتتأثر اه هتبقي مضايقه زي ما حصل قبل كده بس لما الموضوع يوصل لاذي اكيد الموضوع هيتغير هي خايفه لان ليله عارفه كويس ان مريم شخصيه مريضه والمريض توقعي منه اي حاجه في الدنيا بس ان شاء الله تعدي علي خير

سلمي….يارب

…………………

عند ليله و نادين في العربيه

ليله كانت مشغله اغاني و مولعه سيجاره و شارده مكانتش حاسه انها بخير بصتلها نادين بهدوء و حست انها باين عليها التوتر اوي و مضايقه.

نادين….بهدوء لولي