لقاء كارثي

ابتسمت علا و مسكت كف ايدها.

علا……اولاً انا بجد فخوره بيكي و بحييكي علي شجاعتك و اعترافك بكل اللي كان جواكي يمكن انا لو مكانك مكنتش عرفت اقول كل ده
و لا كان هيبقي عندي الجرأه اني اعترف بقلقي او خوفي من حاجه لاي حد بس عايزه اقولك ان حتي صراحتك معايا الوقت زودت احترامي ليكي و اطمئناني من ناحيتك ثانياً وده الاهم انتي اللي جميله و زي القمر اما ثالثاً بقي فا خليني افهمك حاجه بسيطه تزود اطمئنانك اكتر و تخليكي فاهمه الوضع حواليكي اكتر جايز حسان شرحلك طبيعة علاقتي بيه سواء قبل الانفصال او بعده زي ما انا كمان كنت حريصه علي شرح ده لشادي جوزي…

انا و حسان يا سلمي اتجوزنا بدري يعني اتعرفنا اعجبنا ببعض حبينا بعض و بسرعه اتخطبنا بسرعه اتجوزنا علاقتنا كانت سريعه اكتر بكتير مما تتخيلي بس بعد الجواز و بعد ما عاشرنا بعض و بدأنا نكبر شويه طل واحد فينا حس من غير ما يعترف ان المشاعر اللي كانت بينا دي مكانتش حب تقدري تقولي انه كان حماس شباب اندفاع مشاعر خرجت مره واحده في توقيت غلط

حسان كان اول حد اتعرف عليه و هو كمان مش هنكر اني اعجبت بشخصيته جدا و مواقفه اللي الحقيقه هي متغيرتش فيه من اول معرفته احد الوقت و حسيت ان هو ده الشخص المناسب زي ما هو كمان اعجب بشخصيتي بشكلي بهدوئي

فا مشاعرنا اتجهت اتجاه واحد اننا نرتبط و نتجوز و نعمل عيله بس عشان زي ما قولتلك السن كان عليه عامل كبير مقدرناش نكمل يمكن انتي و حسان كمان معرفتكم ببعض مش من كتير بس في فرق بيني و بينك انا وقتها كنت اصغر و حشان كمان كان لسه يادوب انا وهو خارجين من سن مراهقه و بنكتشف سن الشباب فا مكانش في نضج و لا وعي كامل و لا خبره انما انتوا الوقت اكبر اعقل انضج في وعي في مواضيع مختلفه عن المواضيع اللي كان ممكن نتكلم انا وهو فيها احنا مواضيعنا كانت علي قد سننا فا لما كبرنا و بقي معانا بنت و حسينا بقدر المسؤوليه اللي شلناها و اتفاجئنا بالمواضيع الاكبر والاعمق اتصدمنا بالواقع صدقيني يا سلمي مش هتكسف اني اقولك كده ولا هخاف تفهمي غلط لاني واثقه انك هتفهميني . حسان راجل محترم شيك ذوق چنتل فيه كل حاجه تجنن و تتمناها اي ست و بجد يابختك بيه لانه راجل انا مقابلتش زيه كتير واب حقيقي يجنن لهنا يعني انفصالي منه مكانش بسبب سوء معامله او طريقه او اسلوب او طباع او صفه ترفضها اي ست بخيل خاين سليط لسان بيمد ايده خالص والله يشهد ربنا انه كان بني ادم في كل حاجه معايا العيب الوحيد اللي حصل في علاقتنا انه التوقيت كان غلط والسن مكانش مناسب انا واثقه
انك هتصدقيني لان الست لما بتنفصل من الراجل اللي كان جوزها لو كان وحش معاها في اي حاجه بتقول عيوبه و مش بيهمها اي حاجه ولا بتعملوا حساب و متفكريش مثلا اني بعمل ده عشان بنتي الست لما بتكره يا سلمي بيجي عليها لحظه لو موجوعه بجد حتي ولادها مش هيفرقوا معاها في انها تعبر عن وجعها لو بالكلام يعني ما هصدق انتهز الفرصه و ابوظ علاقتك بيه و هزود كمان عشان انتقم منه بس لا والله حسان ميستاهلش مني غير كل خير و كل كلمه طيبه في حقه