لقاء كـ،ـ،ـ،ـارثي

نعيمه….طب و انتي يا سلمي قدامكم قد ايه خلصتوا الفرش ولا فاضل حاجه

سلمي…..في حجات هنستلمها و في حجات بسيطه نجيبها يعني يعتبر مخلصين

نعيمه….طيب وحاجتكم لبسكم يعني مش ناقصكم حاجه

سلمي….انا تقريبا مخلصه كل حاجه يعني في شويه حجات بسيطه ايه اللي لسه عايزه شويه حجات

ايمي….طب انجزوا بقي

ايه….انجز اين انا عايزه اعطلهم تقولي انجزي مش هخرج من القاعه انا الساعه تسعه

ضحكوا عليها كلهم

نادين….متخرجيش يا قلبي هنشغل كشافات الموبايل و نغني احنا

ايه…..يا بااااي علي البرود تسكت تسكت و تطلع تستفزني نامي يا نادين نامي عشان مقومش اجيلك

نادين…..تعالي يا قلبي

ايه….حد ينزل البت دي من المكالمه عشان مش طيقاها

ليله….محدش ليه دعوه بالصغنن بتاعي

نادين….قلبي

ايه….عليكي وعالصغنن في ساعه واحده يا جدعان قدروا اللي خلفني

ايمي….احييييييييه انتي هتقرفي امنا ليه روحتي تسعه روحتي الفجر كده كده هتقلعي النتيجه واحده

ضحكوا كلهم علي ايمي

ايمي….بعصبيه زن زن زن اييييه افصلي يخربيت اهلك مالها تسعه وحشه ابقي لفي يا اختي بالعربيات لحد 12

البنات كانوا ميتين من الضحك

ليله…..بضحك هموووت والله عصبتيها ياللي منك لله

نعيمه…..اااااه بطني يخربيتك يا ايمي بتقولها كده كده هتقلعي

ايمي….اقولها ايه طيب قولنا الفرح من اربعه لحد تسعه ايه هتفضلي ترقضي اكتر من خمس ساعات روحي يا اختي بدري و ارتاحي عشان كده كده هتفرهدي

ايه….بضحك تصدقي بالله انا غلطانه اني بتناقش معاكم وبعبرلكم علي معاناتي

سلمي….اااه والله تعبت من الضحك

ايمي….معاناة ايه يا ام معاناة انتي اللي بومه و نحس نعملك ايه

ايه….ماليكي حق ما انتي وليله نفدتوا منها و عملتوا فرح براحتكم

ايمي…..اهي ليله هتولع من عينك في المطبخ وانا هنفجر زي البالونه الوقت اتقلي انتي بس

نادين…..بضحك ايه اتهدي بقي متعصبيهاش والله تعبت من الضحك

ليله….صدعت الله يخربيت عقلكم

ايمي….يا اختي بدل ما تفكري في القاعه اللي هتففل علينا ان شاء الله فكري في الشباب الي شكلهم بيصيعوا و مقرطسننا الساعه داخله علي 11 ونص ولسه محدش فيهم ظهر هو الحظر مش تسعه باين

سلمي…..حسان قالي انهم كلهم في الكافيه الجديد هما فاتحين هناك

ايمي….اه طبعا حسان و رشيد باشا المعارض قفلت قالوا مفيش متوي غير الكافيه يابت الرجاله دي ملهاش مالكه قسما بالله تتقفل عليهم من هنا يدورا بسرعه علي حاجه تانيه