لقاء كـ،ـ،ـ،ـارثي
ايه…..ما هو طفشان منك و من لسانك ما انتي لو ست طيبه كان رجعلك انما ده مصدق
ايمي…..ايه يا تربيه وسخه انتي عارفه لو قدامي كنت روقتك
عشري….بضحك لاحظي ان كلامك جارح يا واطيه قصدك ان عشري طفشان منك
ايه…..هو انا صحيح مش طيقاه عشان المسرح اللي طاعهولي بس انتي جوزك بتاع كافيهات ده شغله الدور والباقي علي اللي طفش
ايمي….طب انا مضطره اقفل في وشكم قبل ما اشتم البت دي
نعيمه……بضحك لا والنبي يا ايمي خليكي متبقيش رخمه انا زهقانه
سلوني شويه لحد ما جوزك انتي وهي يجي
ايه…..واحنا ايه مش عاجبينك احنا معندناش جوز ممكن نقعد معاكي عادي
نعيمه…. بضحك بموت فيها والله بت يا يويو قومي تعالي باتي معايا
سلمي….واشمعني يويو يعني
نعيمه….قومي تعالي والله انتي وهي
سلمي…نيجي فين الساعه 11 ونص
نعيمه…حوشي يابت اللي مش بتخرج من بيتها بعد تسعه
ايه…..الله يلعن التسعه علي ابو التسعه محدش يجيبلي سيره الرقم ده
ضحكوا كلهم علي ايه
سلمي….اقصد الجو بره مرعب عايزه اقولكم تحت كحل بمعني الكلمه
ليله….وهنا كمان استنوا تعالوا اوريكم من فوق في الروف زايد كلها ضلمه كأن النور قاطع
ايه….اوعي الحته التايجر
ليله….بضحك يا قليله الادب
ايمي….يا بختك يا عشري
ليله…..احييييه عليا في ايه
ايه…..دي شمال دي
نعيمه رنت الضحكه و كلهم ضحكوا
ايمي…مين دي اللي شمال يا تربيه وسخه
ايه….بضحك مش انتي يا قلبي
ليله…..بصوا جابت الكاميرا علي المكان
سلمي….يالهوي يا ليله ده كأن فعلا النور قاطع
ليله…..شوفتي بجد ربنا يستر علي العربيات اللي ماشيه
ايمي….الله يخربيت اهلهم ضلموا الدنيا ده القتل والجرايم والسرقه و قطع الطريق هتبقي علي ودنه
سلمي….اه والله بكره يندموا لما الجرايم تكتر بسبب القرار ده
نادين…..بنوم ازمه اقتصاديه الدوله بتقلل استهلاك الطاقه يعني قرار اقتصادي سياسي بحت عشان يقللوا الخساير
نعيمه…. بضحك نامي انتي وحقك جاي
ايه…دي اي حاجه فيها اقتصاد بتفوق
ايمي…..اقل خساير ايه بس و هباب ايه علي دماغ اللي جابهم بكره يندموا وبعدين و خساير الناس مين يفكر فيها في ناس شغلها بيبدا بليل احنا نفسنا في المطعم الشغل من خمسه او سته بيبدأ يكتر
ليله….والله انا كل ده مش فارق معايا اللي فارق معايا بس عواميد النور اللي قفلت دي هيبقي في حوادث و مصايب لازم يكون في نور في الشارع بجد يقفلوا اي حاجه مش مهم الا النور في الشارع انا مشيت من المطعم تسعه بجد الجو مرعب انا اول مره احس اني خايفه و انا راجعه
