لقاء كـ،ـ،ـ،ـارثي
نعيمه…..بهدوء فهمت
نجود…..لما يجيلك اتكلمي و قولي اللي جواكي اتحملي كلامه التقيل غضبه لو غضب كل ده حب يا نعيمه
اعتبري فضل عيل صغير ابنك تخيلي كده لو ابنك الصغير صحي من النوم الصبح ملاقكيش و غيبتي عنه فتره من غير ما يعرف مكانك يوم ما ترجعي تفتكري هيقولك ايه
بصتلها نعيمه بهدوء و تأثر
نجود…..هيبقي منهار و غضبان بيقولك كنتي فين سيبتيني ليه متنيش معاكي ليه هيفضل يعيط و يتكلم و يتعصب ماهو طفل حس ان امانه اتسرق منه مره واحده و فجأه بعد ما يطلع كل اللي جواه هيفتكر ان حضن امه وحشه و يهدأ و يترمي في حضنها و هو بيعيط و يمكن بعد الحضن ده يبقي لسه مضايق ياخد راحته من الحضن اللي كان وحشه و يبعد تاني و يمكل زعل من امه شويه حلوين و يتدلع عليها و يطلع عينها عشان تفكر الف مره بعد كده قبل ما تخليه يجرب نفس الشعور تاني و الراجل زي الطفل يا نعيمه و مراته او حبيته بالنسباله زي الام تعلقه بالست من وهو صغير واحد طول ماهو طفل شايف امه امانه و لما يكبر بتفضل امامه بس راحته بتبقي مع مراته وحبيبته و من جواه عنده نفس شعور الطفل الصغير اللي كان متعلق بامه هيتكلم بهدوء و هيبدا ينفعل هيخرج كل اللي جواه بغضب عليكي و شويه و هيترمي في حضنك نعيمه فضل تعبان بجد تعبان
بصتلها نعيمه بوجع فظيع و حطت ايدها علي وشها وفضلت تعيط
نجود….بهدوء ضمتها بيحبك يا هبله زي ما انتي بتحبيه هو بس صعبان عليه منك و حتي لو مصمم يلاقي سبب فا ده عشان مضايق واخد علي خاطره راضيه و طمنيه و هديه الراجل زي العيل الصغير مهما طلع و نزل في النهايه جواه طفل و الطفل اللي جوه فضل ظهر لما انتي سبتيه
نعيمه….بدموع بعدت عنها و بصتلها طيب و رحاب
نجود…..مالها رحاب انتي يا هبله يابت انا بقول عليكي ذكيه فضل مبيحبش غيرك
نعيمه….بس الصور بتقول غير كده
نجود….بيضايقك بيغيظك عايزك تغيري
نعيمه…طب وهي
نجود…وانتي مالك ومالها معجبه ولقت راجل فاضي و مفيش حد في حياته واللي كانت معاه انفصلت عنه عادي بتحاول بس الست الشاطره تقطع الطريق بصي يا نعيمه بخصوص موضوع رحاب اعتبريه مقفول يمكن رحاب انا بحبها و بت جدعه و محترمه و ناجحه في حياتها و صاحبه واحب و فيها مميزات كتير تتمناها اي ست لابنها و عشان اكون بقول الصراحه في حياتي مشوفتش منها اي حاجه وحشه بالعكس انا بحبها و بحب قعدتها ولما بتغيب شويه بقول لرضوي كلمي اختك تجيلك بتيجي و بنقعد و بنسهر و انتي بنفسك شوفتي قعدتنا بتبقي عامله ازاي احنا بنعتبر رضوي واحده من عيلتنا ولو انتي مش موجوده و هي قربت من فضل انا كنت اول واحده هشجع العلاقه دي بس وجودك في حياتي انا مش حياة فضل مستحيل يخليني اشوف غيرك ست في بيت ابني طول ما في بينكم حب و امل و بابا لسه مفتوح هفضل وراكم الا لو انتوا الاتنين قفلتوا الباب وقتها حياتك و حياته ملككم و هستسلم انا خلصت موضوع رحاب و اتكلمت مع رضوي بكل صراحه و قولتلها نفس اللي بقوله ده ان لو رحاب معجبه حقها بس اوقيتها غلط لان مهما حصل زعل بينهم و حتي لو انفصلوا لسه الباب متقفلش لان الانفصال محصلش بعده كلام او عتاب يا اما يخلص الموضوع و ينهيه او يجدده و طلبت منها تخلي رحاب تفرمل و البنت اتفهمت الموضوع وراحت امبارح انكلمت مع اختها
