لقاء كـ،ـ،ـ،ـارثي
نادر….اخوكي نحس يا نعيمه انا بالصدفه واقف قدام محل مفاتيح بس كاتب ورقه ان عنده حاله وفاه وقافل
نعيمه…..بضحك ايه يا بومه طيب ميكانيكي اي نيله
نادر….بضحك ما هو برضوا عشان اخوكي نحس المكيانيكي اللي في المنطقه هنا بيفتح حضرته بعد العصر عشان بيسهر
نعيمه….بضحك طير اسمع انت فارق معاك المفتاح ده يعني ما تمشي و روح صلحه في اي مكان
نادر…..ياستي انا عندي مشوار في المكان هنا و المفروض اتنيل علي عيني اركن العربيه و اسيبها مش هعرف و هي مفتوحه كده اسيبها
نعيمه….طيب بقولك ايه اتصل بالبت ليله هي حصل معاها نفس الموقف ده قبل كده و عملت حاجه طلعته
نادر….عملت ايه
نعيمه….والله ما فاكره اتصل بيها انت بقي هي هتقولك
نادر…..طيب هي في البيت و لا نزلت
نعيمه…..معرفش بس اكيد نزلت كلمها لو نزلت تبقي في الطريق لسه
نادر……طب اقفلي هشوفها كده
نعيمه….ابقي كلمني
نادر…..اوك باي
قفلت نادر واتصل علي ليله كانت صاحبه هي و عشري و بيجهزوا عشان نازلين
ليله….الووو
نادر…..صباح الخير اولا واسف علي الازعاج ثانيا
ليله….بضحكه جميله صباح الفل و مفيش ازعاج يا عم نادر عامل ايه
نادر….زي الفل عشري عامل ايه
ليله…..بخير الحمد لله
عشري….سلمي عليه
ليله….بيسلم عليك اهو
نادر….حبيبي سلمي عليه كتير الاول انا صحيتك
ليله….لا انا صاحيه في ايه قولي
نادر…..بصي انا في موقف زي الزفت و كلمت نوني الوقت قالتلي اسأل ليله
ليله….. بابتسامه خير
نادر…..مفتاح العربيه اتكسر في الباب مش لاقي اي حد يساعدني ولا عارف اسيبها و اشوف شغلي نوني قالتلي ان الحوار ده حصل معاكي قبل كده و اتصرفتي
ليله…..بضحك كسرته يا موكوس طب اسمع باين منه جزء و لا مش باين خالص
نادر…..لا باين قدامي اهو انا حاولت اسحب الجزء ده بس هو مش كبير لدرجه اني امسكه فهماني صوابعي مش عارفه تقفشه
ليله….المهم انه باين
نادر……اه باين
ليله….طيب لحظه هو انت محبوس مش عارف تفتح العربيه يعني
نادر…..لا ماهو الريموت بايظ فا بتعامل بالمفتاح بصي انا حاولت اقفلها يعني نزلت المسوجر و قولت عادي لما اخلص مشاويري افتح الباب التاني و ادخل منه بس المشكله اني لما بقفل المسوجر و اجي اقفل الباب بيروح ناطت مفتوح
ليله…..بضحك انت عايز عربيه جديده يا نادر او تعملها عمره
