لقاء كـ،ـ،ـ،ـارثي

نجود….بضحك لا يا اختي مطارش بيحبك و مفيش بنات ولا هباب محدش يقدر يقرب منه طول ما انا موجوده و بعدين هو دماغه زباله محدش يطيقه اصلا

نعيمه…..بضحك لا احنا نفطر يلا و بعدين نقطع في فروته براحتنا

نجود….طيب يلا انا جعانه اوي

نعيمه……طب اقلعي كده و ظبطي نفسك لحد ما احط الاكل علي فكره انتي مطوله معايا هاا

نجود….هقعد بس مش كتير السواق مش هيمشي هيروح يقعد في اي حته لحد ما اكلموا

نعيمه…طيب مش قاعد في مكان خليكي بقي معايا

نجود….طيب هقعد معاكي شويه انتي وحشاني اصلا وعايزه اتكلم معاكي قد كده

نعيمه…. بابتسامه وانا كمان

حطت نعيمه الفطار علي السفره و قعدوا هنا الاتنين فطروا مع بعض

نجود…..الله الفول حلو اوي

نعيمه…..بالف هنا

نجود….تعرفي اني احد الوقت لا بعرف اظبط الفول ولا الملوخيه مره يظبطوا والف لا مع اني شاطره في كل الاكل

نعيمه…..باتسامه ثقه هبقي اعلمك ان شاء الله انا بقيت استاذه

نجود….بضحك يا واد انت يا استاذ بقولك ايه احكيلي اللي حصل معاكي هناك الاخبار بتقول ان الدنيا مش كويسه

نعيمه…..اصلا الاخبار مش بتقول كل حاجه دي الدنيا خربانه يا جوجو هناك انا كنت مرعوبه ولا الصوت بتاع الانفجارات والطيارات اللي كل شويه تعدي و الانذارات ترعب

نجود….وكان عليكي من كل ده بايه ما كنت مرزوعه وسطنا هو كل اللي يحس انه مضايق ياخد بعضه و يهج كنتي قعدتي هنا وقولتي مش عابزه حد و خلاص

نعيمه ….البنات مكانوش هيسيبوني يا جوجو انا عرفاهم اوقات بتحبي تفصلي خالص عن الدنيا بجد بس للاسف عشان ده يحصل لازم تبعدي بجد انا لو كنت فضلت مكنتش هرتاح لان البنات و امي و ابويا و اخواتي مكانوش هيدوني فرصه و هيفضلوا يسألوا مالك

نجود….ما يسألوا قولي مش عارزه اتكلم الوقت

نعيمه…حتي لو قولت مش هيسيبوني انا عرفاهم و بصراحه كنت لازم اسافر قبل ما ليله ترجع من شهر العسل لان ليله لو كانت رجعت وجست ان نفسيا مش متظبطه مكانتش هتسيبني افكر اصلا في السفر

نجود….طب احكيلي انتي كان مالك بجد فضل اللي ضابق يا نعيمه هو اللي زعلك

نعيمه….خالص والله يا جوجو محدش اصلا زعلني انا بس كنت بمر بفتره مش حلوه عارفه لما فجأه تحسي نفسك مخنوقه و في حاجه عماله تضغط علي صدرك و قلبك و تحسي ان نفسك مش طالع كويس انا كنت كده فجأه بقيت متعصبه و بطلع غضبي في اي حد البنات كلهم نادين و ايه و سلمي زعلتهم كتير