لقاء كـ،ـ،ـ،ـارثي

انا بس طالبه منك طلب رحاب طيبه و كويسه و مش الشخص اللي ممكن تعاديه عارفه ان غيره الست مش حلوه بس انا عايزه الموضوع ميكبرش و تبقي غيره وتحدي ستات انتي غلطتي و دي نتجيه غلطتك و لازم نبقي متفقين وهي كمان غلطت ولازم تحط حدود و فضل كمان غلط لما فتح الباب من غير ما يحس بحجه ان هو مضغوط مش مهم انا بس كل اللي فارق معايا رضوي

زي ما انا بعمل حسابك اكيد هعمل حسابها في النهايه دي اختها انتي وفضل هترجعوا و رحاب هتفهم ان هي كانت غلطانه و تستاهل حد يحبها بجد بس انا عايزه الموضوع لما ينتهي ميبقاش في من جواكي اي ضغينه لرحاب مش عايزه رضوي تحس انها بقت منبوذه هي واختها مش عايزه اختها لما تجيلها تاخدها و تقعد بيها في بيتها عشان خايفه محدش يتقبل وجودها رحاب مغلطتش هي بنت عاديه عجبها راجل و قالت ليه لا ماهو منفصل جايز غلطت في كام موقف بس عادي كلنا بنغلط اتاكدي بس ان هي مش بتحبه هي بنت عايزه تتجوز وبس فهمتي يا نعيمه

نعيمه….بهدوء فهمت و متقلقيش انا اكيد مش هعمل حاجه تضايق رضوي

نجود….وده اللي يهمني يا نعيمه رضوي غلبانه وطيبه و موقفها مش حلو و هي ملهاش ذنب فيه حوار رحاب هينتهي و بكره تبقوا ملكم سمن علي عسل فا متحطيهوش في دماغك احنا معندناش ستات بتعادي بعض كلنا علاقتنا حلوه وانتي شوفتي بنفسك اذا كان في بيت امينه او بيتي ز يما انتي حسيتي ان سفرك كان غلطه متأكده ان رحاب هتفهم ان محاوله قربها من فضل كانت غلطه و لما تلاقي نصيبها هتفهم ان هي كانت غلطانه انا بس مش عايزه الموضوع يكبر و البنت تاخد جنب مننا في النهايه هي لوحدها يا نعيمه و انا هيصعب عليا انها تحس ان هي منبوذه الي ان احس انها بجد بتخرب الدنيا و مش فارق معاها حاجه وقتها انا اللي هقطع رجلها من البيت تماما واختها تروحلها بس انا عارفه ان الموضوع هيقف لحد هنا عشان كده مش عايزين عداوه تمام

نعيمه….ماشي يا جوجو

نجود…ربنا يهدي الحال بينكم ركزي انتي بس مع فضل و متفكريش في اي حاجه تاني

نعيمه….. بابتسامه ربنا يخليكي ليا

نجود….بحب ويخليكي ليا و افرح بيكي انتي وفضل قريب

ضمتها نعيمه و خدتها نجود في حضنها وحست نعيمه براحه فظيعه و كلام نجود طمنها كتير

………………..

تحت بيت تقي وصل عدي و كان مستنيها تحت دقايق بسيطه و نزلت تقي مع وليد و الاتنين باصين علي عدي و بيضحكوا قربوا منه نزل عدي بهدوء و ابتسم