لقاء كـ،ـ،ـ،ـارثي

ليله…..هنلاقي حل ازاي

ريهام…..يعني نشغلوا كافيه شويه

ليله….طيب ماهو يعتبر مطعم وكافيه و بينزل شيش وكله

ريهام….لا اقصد نهتم بحوار الكافيه ده اكتر و الشيش اكتر لان ده اللي هيشغل الدنيا

ليله….احنا عايزين حد يتاع شيش تاني يجي يظبط المكان

ريهام….ما اللي هنا ده شاطر اوي

ليله…يسد معاه لان الفتره الجايه المكان هيشتغل كافيه اكتر خدي بالك عشان معروف هنا المكان مطعم و كافيه فا اللي حابب يورح كافيه بس شيشه و جو قهوه بيدور علي كافيه علي طول بس بعد كده هيستقربوا اللي قدامه حاجه هيدخل فيها عشان يلحق قبل القفل

ريهام…..ايوه صح كملت بضحك سلامه مش طايق نفسه

ليله…..هو سلامه بس ده الشباب كلهم بس هيعملوا ايه مضطرين
عشري بيقولي هفتح و هقفل الانوار و نعيش علي لمبة الجاز

ريهام….طيب والله العظيم فكره انتي عارفه ان المافيه الجديد هيفضل شغال

ليله….اه عشري قالي بس منبهين علي الكل مفيش نور

ريهام….طيب ده مش غلط بقي يعني اشمعني

ليله…..غالباً البلازا هناك كلها هيسبوها فاتحه لان عشري بيقولي المكان ده في عرب كتير و جنبهم فندق يعني تعبتر مكان سياحي فا الناس هتنزل

ريهام…..انتي عارفه والله بجد لو كله يعمل كده يعني شموع كشافات اب حاجه كانها عامله جو علي الاقل محدش يتقطع عيشه

ليله….احنا شعب مبيغلبش عموما يعني هيلاقوا الف حاجه يشغلوا دماغهم بيها هفكرك كله هيقلبها سوبر ماركت بس اللي هيتقفش هيتنفخ

ريهام….بضحك اه والله هيجيبوا شويه حلويات و يحطوها قدام المحل علي فكره وقت الحظر بتاع كرونا كانوا بيعملوا كده

ليله….ما انا بقولك مش هنغلب يلا ربنا يستر بقي المهم الدنيا تظبط علي الصيف او قبل فرح البنات و الشباب

ريهام…..اه صح هو كده حتي القاعات هتقفل

ليله….كله يا قلبي صباح الفل

ريهام….بضحد انتي عارفه ان تامر هيخلص انهارده عند سلامه خالص قاله انه هيخلص مشوار نغم و بعدين هيطلع علي هناك يسهر عليها و بكره او بعده تقريباً نادين

ليله….احيييييييه بقي لو حسان قال لسلامه بما انك خلصت انجز في الفرش عشان نتجوز

ريهام….طب وايه المشكله

ليله…..يابت القاعات هتقفل تسعه

ريهام….ماشي يعملوا من بدايه اليوم يعني جزء من الفرح يكون وهو النهار طالع من اربعه مثلا لحد 8 ونص