لقاء كـ،ـ،ـ،ـارثي
تقي….بضحك استني بس هفهمك
عدي….تفهميني ايه ده انتي ليلتك سوده اوعي تقولي اه عشان هتشل فيها بجد كنت هتنطي وراء
تقي….بضحك هفهمك انا فجأه لاقيت حجات سوده بتلعب فكرت في حاجه وقعت
عدي….حاجه سوده بتلعب ده انا هلعب في وشك البخت دي المساحات واتتي اللي شغلتيها
تقي…انا مشغلتش حاجه هب اللي استغلت
عدي…..وربنا انتي اللي دوستي عليها وبعدين افرضي حاجه وقعت حاجه ظهرت تسيبي الرعبيه و تجري لازم يبقي عندك سرعه بديهه اركني بهدوء و انزلي اجري بعد كده براحتك
تقي….بضحك طب براحه عشان صحتك
عدي….صحت ايه انا جالي جلطه يا بت انا خايف انزل الاقي البنطلون مبلول
تقي ماتت من الضحك
عدي…. بابتسامه يخربيت عقلك و بعدين بتسحبي شنطتك من علي التابلوه ليه فيها ايه دي خايفه عليه يا جاحده
تقي….بضحك موبايلي و فلوسي وفيها علبه لبان
عدي…..لبان منك لله قطعت الخلف
تقي….طب اعمل ايه انتي اللي مقولتليش علي المساحه
عدي…. عشان مش مهمه الوقت بالنسبالك هعرفك كل حاجه بس تتنيلي تسوقي الاول
تقي….بضحك طب خلاص اسفه والله نكمل
عدي….كملي يا اختي مكانك ده ميتسابش خااااللص مفهوووم
تقي…..خلاص بقي يا صاحبي غلطه و مش هتتكرر صدقني
عدي…..اووووف ماشي يلا براحه
رجعت تاني دورت و طلعت كانت ذكيه و بتفهم بسرعه مغلبتهوش كتير بس نوقف المساحه خلاه اتشل من رد فعلها وهي عايزه تنط وراء
فضلوا كتير مع بعض يعلمها ويدخلها واحده واحده وسط العربيات كان مبسوط بيها وهي كانت مبسوطه اوي جات اشاره هدت بهدتء و لمحها بتقرب و تبص لقدام
عدي….وهو بيقلدها هو ايه ده هاا بتبص علي ايه
تقي….بضحك ببص علي المسافه بيني انا والعربيه
عدي…..وهو في حد بيعمل كده هتخرجي من العربيه و بعدين انتي بتبصي من البلكونه
تقي….ما انا مش عارفه حدود العربيه ولا مساحه اسه متعودتش
عدي…..بتنهيده ماشي مش مهم سترك يارب
كملوا طريقهم و هو هيتشل منها و هي مبسوطه و الدنيا لحد الوقت بخير الحمد لله.
…………….
اما عند نغم راحت النيابه و معاها احمد و تامر و وفت مريم بوعدها و فعلا اتفقوا مع المحاميين علي كل كلمه هتتقال و الحقيقه ان طلع هاني أقذر بكتير مما كان الكل يتصور و مريم بذكاىها كانت ماسكه عليه غلطات كتير غيرت نغم اقوالها
يمكن مغيرتش كلامها كله بس قالت ان هي عرفت حجات كتير عن هاني من مريم و كانت فاهمه الموضوع غير كده و دخلت مريم بعدها قالت عن كل بلاوي هاني و الحجات اللي كان بيحاول يقنعها بيها عشان تزود راس مالها وهو تجاره الحشيش و كان طالب منها تعمل كده و يخرجوا الحشيش و سط البضايع و اتواب القماش كان معاها تسجيلات ليه و كان معاها تسجيلات صوت و صوره في الوكاله و هو بيحاول يقنعها قالت ان هي كانت عارفه ان خروجها منه هيبقي صعب و محتاجه الوقت المناسب عشان ميأذيهاش و بعد تقديم كل حاجه و تغيير اقوالهم و اعترافها بغلطتها و ان ده كان بدافع الحمايه من هاني طاعت قرار بضبط و احضار هاني و اعترفت ان هي حبساه لانه هددها قدام الكل و جابت الجزء بتاع التهديد بتاعه لما طلقته وقالها هقول حتي اللي مش فيكي فيكي طلب شهاده بعض الشهود و طلب من مريم تقول علي الشخص اللي كان عايز هاني يتعامل معاه و اعترفت بكل حاجه و عرفتوا علي الناس دي و كان معاها تسجيلات كمان بحاوله سرقته ليها من خزنة الوكاله بس معرفش الرقم
