لقاء كـ،ـ،ـ،ـارثي

عمرو…..لا اتخانقي يلا ما انتي بقيتي نكديه مش وراكي غير الن و الخناق و القرف

امنيه….انا يا عمرو

عمرو….اه انتي مبقاش يعدي يوم غير لما تنكدي و بوزك شبرين

امنيه…. عمرو انت شايف الساعه كام الساعه واحده وربع انت نازل من البيت هنا الساعه تسعه الصبح يعني بقالك 16 بره البيت وانا قاعده لوحدي عايز يعني لما ترجع اكون عامله ازاي انت قولتلي انك هترجع بدري رجعت قولت عندي مشوار شغل و لما بكلمك في موضوع النقل و اننا نروح مكان تاني غير هنا بتزعل طيب حتي اضحك عليا وسكتني وارجعلي بدري لكن ازاي انت بتريح دماغك غشان انا بقيت ست نكديه مش كده

عمرو…..اه نكديه عشان لما انا ابقي عند ايمي و بنتفق علي موضوع النقل عشان اوديكي عند زوزو و ارجع الاقيكي مبوزه كده تبقي نكديه

بصتلوا امنيه بصدمه و هي دموعها نازله و ابتسمت بهدوء

امنيه…..انت بتتكلم جد يا عمرو انت كنت عند ايمي و بجد وافقت

عمرو….بضحك لا والنبي مكنتيش عارفه

امنيه….والمصحف ما اعرف هي قالتلي هتبقي تكلمك بس معرفش انك هتروحلها عمرو والنبي انت وافقت

عمرو…..اه يا رخمه وافقت يا نكديه

ضحكت و بعدين حطت ايدها علي وشها وفضلت تعيط ضحك عمرو وها في حضنها انفجرت

عمرو…..بضحك الله يخربيت عقلك خلاااااص انتي مصدقتي طب خلاص عشان خاطري يا بت هرجع في كلامي و بعدين انتي مصدقتي تعيطي انا نفسي اعرف انتي حد عملك عمل علي البيت ده عشان تفرحي كده انك هتسيبيه

امنيه….بعدت عنه و ضحكت من بين دموعها لا والله انا بحبه بس زهقت والله

عمرو….طيب خلاص يا قلبي متعيطيش بقي

امنيه…..طب احلف بحياة امك انك مش بتضحك عليا

عمرو….يابت انا عيل صغي قولتلك خلاص شوفب عايزه ننقل امته وهنروح

امنيه….بكره البيت هناك مش عايز غير فرش بس هناخد حاجتنا ونروح

عمرو….ضحك وضربها علي راسها بكره ايه هو انتي فاكره ان النقل سهل كده

امنيه….والاه سهل عربيه كبيره تيجي تاخد الحاجه و نمشي

عمرو….ده انتي عيزالك حوالي يومين تلاته بس عشان تفضي المطبخ و تفضي حاجتك و هدومك والميكب بتاعك و كل الفرح ده خلينا نبدأ ننقل يوم الاجازه وانا هاخد يومين كمان عشان نخلص و من هنا احد الاجازه قدامك اهو حاجه تسليكي طول اليوم تشيلي هدومك و حاجتك و المطبخ و تظبطي الدنيا

امنيه….بسعاده ماشي انا بكره لما تمشي هخلص كل حاجه