لقاء كـ،ـ،ـ،ـارثي

عدي…..مصممه صح

تقي….. بابتسامه جدا

عدي…طب نراجع نفسنا دقيقه

تقي….ولا نص دقيقه يلا سمعاك

عدي….مفيش امل بعني طيب نصلي بينا عالنبي كده عشان اللي اوله شرط اخره ايه

تقي….بضحك نور

عدي….ايووووه نور يعني متخليهاش ضلمه علي راسك

تقي….بصحك انا مضطره استحمل لسانك الطويل لحد ما اتعلم بس

عدي…..في شويه شروط كده هنلتزم بيها بدل ما اطلعك علي كوبري و احدفك منه بالعربيه

تقي…بضحك اتفضل حضرتك

عدي….اول شرط ممنوع تسرحي وانا بشرح عشان بعد ما اخلص كلامي لو قولتي بتقول ايه او عيد تاني هنفخك

تقي…..ما انت برضوا متشرحش كل حاجه بسرعه و تستني مني اركز

عدي…..قولي حاضر بدل ما اشنقك بحزام الكرسي

تقي…..بضحك حاضر

عدي….تاني حاجه متلمسيش اي زرار غير اللي هقولك عليه و بس

تقي….ماشي

عدي…..مش عايز غباء و لا استظراف ولا عايز رغي ولا صوت عالي و لا عايز مخ مقفل خلبنا هاديين كده و حلوين عشان نخلص من اليوم اللي مش طالعلوا ملامح ده

تقي….بهمس اتعلم بس يا عدي و يساويها ربنا

عدي…..ااااه ممنوع بقب البرطمه في سرك عشان اي كلمه او شتيمه هروح جاي ماسك الدركسيون ملبسهولك سلسله في رقبتك

فضلت تقي تضحك و فطست من الضحك عليه

عدي….بضحك خدي بالك انا حوار تعليم الستات ده بيخنقني مقدرش عليه بس عشان خاطرك هتحمل فا خليكي مؤدبه كده و متعصبنيش اشطا

تقي….اشطا يا قلبي يلا بقي

عدي….خد نفس طويل اتوكلنا علي الله بصي بقي

تقي…..ابص علي ايه

عدي….. سحب سحبه صغيره من اولها غباء

تقي….. بضحك احترم نفسك و بعدين انت اللي بتقول بصي هو انت بدأت شرح

عدي…..ااااااه هبدأ اهو ما تحنا مش هنفضل نرغي

تقي…..طيب ما نروح في وسط الشارع

عدي….يابنتي مش لما تتعلمي تشغليها اصلا

تقي…..ما انت هتعلمني

عدي…..هعلمك بس تحركيها و تفهمي اصلا ازاي تشغليها و توقفيها بعدين نمشي وسط العربيات

تقي…..بضحك طب خلاص يلا كمل

عدي….اللهم طولك ياروح

تقي…طب بص قبل ما تشرح يعني هليك هادي متتعصبش من اولها عشان افهم

عدي….تماااام انا هادي اهو بصي يا ياقلبي قدام اهو واحد اتنين تلات مرايا عينك عليهم طول الوقت تبصي هنا جنبك و تبصي عندك و تبصي في المرايا دي علي اللي وراكي اهم حاجه المرايات يجي حد بسرعه من شمالك او يمينك تبقي واخده بالك لو انتي في اليمين وعايزه تروحي الشمال لازم تبصي ف المرايا و لازم تدي اشاره و اشاااااااره مش بايدك مش عايز غباء اهو اليد دي كده اشاره يمين كده اشاره شمال