لقاء كـ،ـ،ـ،ـارثي
فجأه حسيت اني كارهه الشغل مع نادين و فضرت الشراكه فجأه حسيت اني مضغوطه مش قادره اكمل لا مع فضل ولا في الشغل ولا مع اهلي و لا حتي في البلد حسيت اني لو فضلت اكتر من كده هخسر كل اللي بحبهم و بيحبوني و حسيت كمان ان مش قادره اخد خطوه الجواز خوفت من كل حاجه المشاكل و الخناق الروتين خوفت من المشاكل اللي كانت بين امي و ابويا تحصل معايا انا وفضل صدقيني يا جوجو انا معرفش ليه وصلت للحاله دي بس غصب عني ده اللي حسيت بيه وقتها كنت فاكره اني لما ابعد اخد بريك هرتاح لاقيت نفسي مش قادره و بمكن قبل السفر انا مقدرتش اقول لحد مقدرتش اقول للبنات مكانوش هيفهموني و لا هيسيبوني اعمل كده مقدرتش اقول لاهلي لانهم برضوا مكانوش هيسيبوني مقدرتش اقف قصاد فضل خوفت من رد فعله لانه كان طبيعي هيفهمني غلط بس ده كل اللي حصل معايا
نجود…..انا مقدره جدا يا نعيمه تقلبات المزاج والنفسيه اللي ممكن تبوظ فجأه من غير مقدمات و يمكن اوقات كتير اتمنيت اعمل زيك و اخد بعضي واسافر في مكان محدش يعرفني فيه و افصل بس مكنتش اقدر اعمل زيك لاسباب كتير اولهم ولادي مكنتش اقدر اسيبهم و لا حتي اقظر اخدهم لان لما بتبقي تعبانه بتبقي عايزه تبقي لوحدك من غير عيال تاني حاجه فضل مطانش هيوافق او يرضي لان فضل يبان طيب و هادي بس في النهايه هو تفكيره مختلف عن تفكير جيلكم و احنا معندناش الاوبشن ده جايز محمد مضايق و زعلان بس هو غير فضل في اختلاف تفكير و جيل و حجات كتير اوي اوقات يا نعيمه الست بتضغط و هي مش لاقيه سبب بس لما بتبصي تلاقي ان في اسباب بسيطه كتير هي اللي وصلتها لكده انا الشعور ده حسيته كتير اني امشي و اخد بعضي و محدش يعرف طريقي فكرت فيه كتير و مكانش عشان حد مضايقني والله بس هو كده علي فكره مسؤوليه البيت والعيال و الاكل والتنضيف و المذاكره بتتعب الاعصاب جدا و ممكن ده يبان سبب تافهه للراجل بس دي حقيقه كل الحجات دي بتاثر علينا تفكيرك في مشاكل قديمه ممكن يتعب نفسيتك كان المشاكل دي لسه حاصله خوفك من مشاكل حصلت مع غيرك برضوا ممكن يبوظ نفسيتك كل دي حجات خارجه عن ارادتنا
نعيمه ….بس انا خايفه يا جوجو فضل مش هيفهمني انا عارفه انه حقه يزعل بس كمان مش هيصدقني او هيفضل واخد موقف مني
نجود….فضل بيحبك يا نعيمه والزعل علي قد المحبه جايز يفضل مقموص شويه و اخد علي خاطره بس في النهايه هتتصالحوا كل حاجه في الدنيا ليها نهايه
