لقاء كـ،ـ،ـ،ـارثي

نادين…اديك قولت في العادي

عسال…..طب اعمل ايه بس يا قلبي مضطرين نقعد شويه

نادين…ماشي يا سيدي المهم لسه قاعد ولا مشيت

عسال….بت اظبطي بتكلميني انا كده

نادين….لو عاجبك و اسمي نادين مش بت

عسال….بضحك اوووعي الشرير بتاعي القمر طب بحبك

نادين…وانا مش بحبك

عسال…..طب احلفي

نادين….بضحك لا يا رخم انتي فين

عسال….انا تحت البيت مشينا انا والشباب خلاص

نادين….اوك

عسال….اطلع واكلمك ولا القمر هينام من غير حدوته

نادين…. بابتسامه كلمني

عسال…مش سامع

نادين…ااا كلمني

عسال …علي صوتك

نادين…كلمني يا رخمممم

عسال….بضحك عيوني والله بحبك

نادين….وانا يارخم

عسال…..بحب هطلع اغير كده و اتصل عليكي علي طول

نادين….اوك يا قلبي

عسال…باي يا حبيبي

نادين….باي

……………..

في منزل نعيمه قفلت مع البنات و قامت ظبطت شويه حجات في البيت بصت شويه من الشباك الجو كان هواء جامد و في مطر قفلت كل الشبابيك كويس.

و بعدين راحت علي اوضتها خدت غيار و دخلت خدت شاور و طلعت سمعت صوت بره الباب بصت من العين السحريه لقت عامل النظافه بياخد الباسكت افتكرت ان هي عندها جوه في الباسكت دخلت خدت الشنطه و فتحت براحه حطتها بره و قفلت تاني و راحت علي اوضتها سرحت شعرها و لبست الچاكت بتاع الترنج.

سمعت الجرس بيرن افتكرت ان عامل النظافه بره واكيد هيطلب فلوس الشهر خدت بسرعه المحفظه وخرجت تاني علي بره فتحت الباب
و فجأه لقت فضل قدامها لابس بنطلون چينز و سويت شيرت خفيف لابس الكاب بتاع التيشرت و غرقان شويه من المطر اول ما فتحت حست ان قلبها وقع منها علي الارض نظره فضل ليها كانت ثابته من تحت الكاب واقف حاطت ايده في جيب البنطلون و باصص عليها بنظره ثابته و حزينه ضربات قلبها بقت تدق بعنف نفسها كان طالع ونازل عينها ثابته عليه و مكانتش فاهمه هو واحشها ولا خايفه منه طيب تترمي في حضنه ولا تقفل في وشه وتجري من قدامه كل دي كانت افكار لكن في الحقيقه هي مكانتش بتتحرك ولا بتنطق و سكوته خلاها واقفه زيه ساكته..

بعد حوالي دقيقه او اكتر من الصمت

فضل….ايه مش هتقوليلي ادخل؟

بصتلوا نعيمه و منطقتش

وللحديث بقيه…….