لقاء كـ،ـ،ـ،ـارثي

عشري….بضحك انا سمعت الصوت ده في دماغي قولت في حاجه غلط بجد كنا في فيلم ده مشهد في فيلم بيتصور منطقه شغل و مكان شعبي و الست القويه اللي رجالتها معاها و واحد بيتاخد بالقلم وانا رافع السلاح وعامل فيها رئس عصابه فطس من الضحك وهي ميته من الضحك علي وصفه و طريقته

عشري….بضحك اه والله انا مشوفتش جنلة انت طالق من ست دي غير في الافلام

ليله…..بضحك والله مش قادره طيب رد فعله ايه

عشري….فضل يزعق و يهدد وهوريكي يا مريم بس مشهد يموت من الضحك بس بصراحه هي صعبت عليا تحسيها بجد ست جدعه

ليله……شوف جايز اكون متعاطفه معاها شويه و يمكن انا اكتر حد في الدنيا عارف معني ان الناس ممكن تبقي سبب في تحول شخصيتك انا عانيت كتير اوي و شخصيتي اتغيرت اوي بسبب الناس و انا حكيتلك بس انا مقدرش اعدي موضوع خيانتها لبنت اختها الخيانه عندي يا عشري ملهاش مبررات

عشري…..ماشي بس واضح انها اتضغطت نفسياً و مش كل الناس تقدر تعمل ضبط نفس لوجعها

ليله…مش في الخيانه يا عشري بص انا مش من عادتي احكم علي شخص متحطتش مكانه انا مجربتش اتحرم من الامومه عشان اجرب شعورها بس جربت وحاشه الناس اهل ابويا كانوا شبه اهلها كده يحبوا اوي اللي معاه فلوس و ابويا بالنسبالهم كان حاجه كبيره مش عشانه عشان فلوسه و بعد ما كانوا حارمينا منه طول السنين دي و بيحاولوا يبعدونا بكل الطرق و يلعبوا في دماغه بحجة ان امي وحشه اول مات اتصلوا بامي عشان تيجي تاخده و تدفنه مبقاش لازمهم

جربت يا عشري من وانا طفله اني اتهاجم و تعبت كتير اوي جربت شغل الشارع والسوق و المرمطه و معامله الناس و بهدلتهم و اللي معاه فلوس يجي عليك و اللي عينه زايغه و اللي مش محترم جربت كل حاجه بقيت عنيفه بقيت مبسكتش لحد
وتعبت و عارفه كويس ان الناس بتسيب فينا اثر مرعب متقبله اي تغيير ممكن يحصل في حياة البني ادم من الضغط و الحياه لكن الا الخيانه يا عشري و زي ما قولت الله اعلم بمكن موضوع انها مش هتبقي ام اثر فيها بس كمان انا لو في نفس مكانها مستحيل اعمل كده

عشري…هي بتبقي قدرات و نشئه يمكن انتي بقيتي كده عشان امك كانت وراكي بس هي من كلامها واضح ان اول حد كان وحش في حياتها امها ورغم كده وصت نغم عليها عشان كده بقولك هي جواها حاجه كويسه